"۱۹۱۵ حادثه‌لری سیاسی چیخارلارا آلت ائدیلمه‌‌مه‌لی"

آلتون: یئتر کی، مستملکه‌چی گوجلرین اؤلکه‌میزه سؤزده ارمنی سوی‌قیریمی ادعالاری ایله تادیب ائتمه گیریشیملرینه و تاریخین سیاسیلشدیریلمه‌سینه یول وئریلمه‌سین"

"۱۹۱۵ حادثه‌لری سیاسی چیخارلارا آلت ائدیلمه‌‌مه‌لی"

جمهورباشقانلیغی ایله‌تیشیم باشقانی فخرآلتون آلتون، ۱۹۱۵ حادثه‌لرینین سیاسی چیخارلارا آلت ائدیلمه‌دن اله آلینماسی لازیم اولدوغونو سؤیله‌دی.

فخرآلتون آلتون، ۱۹۱۵ حادثه‌لرینه دایر سوسیال مئدیا حسابی تویتر اوزرین‌دن بیر آچیقلاما وئردی.

آلتون، آچیقلاماسین‌دا،

"‌۱۹۱۵حادثه‌لری، دوغرو و حقیقی معلوماتلار ایشیغین‌دا، سیاسی چیخارلارا آلت ائدیلمه‌دن اله آلینمالی و اوچونجو اؤلکه‌لرین تک طرف‌لی قناعتلرینه دایانان ایدئولوژیک اوخومالاردان وازگئچمه‌لی‌دیر" ایفاده‌لرینی ایشلتدی.

۱۹۱۵.جی ایل حادثه‌لرینه یؤنه‌لیک یاپیجی و دنگه‌لی یاناشیم ایله حرکت ائدیلمه‌سی و هر ایکی طرفین ایتکیلرینین و آجیلارینین نظره آلینماسی لازیم اولدوغونو وورغولایان آلتون،

"‌۸۰۰ ایل بیر یئرده یاشایان تورکلرین و ارمنیلرین بو گون گئرچک بیر دیالوگ یولو ایله حل ائده‌ممه‌یه‌جکلری پروبلئم یوخ‌دور. یئتر کی، مستملکه‌چی گوجلرین اؤلکه‌میزه سؤزده ارمنی سوی‌قیریمی ادعالاری ایله تادیب ائتمه (یولا گتیرمه) گیریشیملرینه و تاریخین سیاسیلشدیریلمه‌سینه یول وئریلمه‌سین" دئدی.

فخرالدین آلتون، ۱۹۱۵.جی ایل حادثه‌لرینین سوی‌قیریم اولدوغونا دایر دونیادا سیاسی و آکادمیک اویداشما(دوشونجه بیرلیگی ایچینده اولما)، یا دا حقوقی بیر قرار اولمادیغینی سؤیله‌دی.

"تورکیه‌نین ۱۹۱۵ اولایلارینا دایر چؤزوم گیریشیملرینی گؤرمزدن گله‌رک، اوچونجو اؤلکه‌لرین تک طرف‌لی قوللانیملاری و باغلاییجی اولمایان قرارلار وئرمه‌لری، حقیقتین آچیغا چیخاریلماسی چابالارینی چتیلشدیریر" ایفاده‌سینی ایشلتدی.



ایلگیلی‌لی خبرلر