تورکیه باش ساغلیغی دیله‌دی

تورکیه، آلمانیا و پرتغالا باش‌ساغلیغی دیله‌دی

1186255
تورکیه باش ساغلیغی دیله‌دی

تورکیه، پرتغالین مادیرا آداسین‌دا ۲۹ آلمان توریستین حیاتینی ایتیردیگی ترافیک قضاسی سببی ایله آلمانیا و پرتغالا باش‌ساغلیغی دیله‌دی.

خاریجی ایشلر باخانلیغیندان وئریله‌ن یازی‌لی آچیقلامادا،

"پرتغالین مادیرا آداسین‌دا میدانا گلن یول قضاسین‌دا چوخ‌لو ساییدا آلمان توریستین حیاتینی ایتیردیگی و یارالیلارین اولدوغو بؤیوک کدرله اؤیرنیلمیش‌دیر. بو الیم قضا نتیجه‌سین‌ده حیاتینی ایتیره‌نلرین عائله‌لری ایله آلمانیا و پرتغال خالقینا باش‌ساغ‌لیغی، یارالیلارا عاجل شفالار دیله‌ییریک" ایفاده‌لرینه یئر وئریلدی.

توریستلری داشییان اتوبوسون، سوروجوسونون سۆروش حاکمیتینی ایتیرمه‌سی نتیجه‌سین‌ده یول‌دان چیخاراق دئوریلمه‌سی ایله میدانا گلن یول قضاسین‌دا ۱۱ی کیشی، ۱۸سی قادین اولماق اوزره ۲۹ آلمان توریست حیاتینی ایتیرمیش، پرتغاللی اتوبوس سوروجوسو و توریست رهبری ایسه یونگول یارالی اولاراق قورتولموشدو.



ایلگیلی‌لی خبرلر