اردوغان: تورکجه‌یه اولان ماراق سئویندیریجی

"ایندی یئنی هدفیمیز ۱،۵ میلیارد دلارلیق بیر هدف‌دیر"

اردوغان: تورکجه‌یه اولان ماراق سئویندیریجی

پرزیدنت رجب طیب اردوغان، تورکیه ایله بئلاروسون، ۱،۵ میلیارد دلارلیق تیجارت هدفینی گرچکلشدیره‌بیله‌جک ایمکانا صاحب اولدوقلارینی سؤیله‌دی.

اردوغان و دعوتینه اجابتله تورکیه‌ده اولان بئلاروس پرزیدنتی آلکساندر لوکاشئنکو، جمهورباشقانی ساراییندا، باش باشا و هیاتلر آراسی گؤروشمه‌لرین آردین‌دان اورتاق مطبوعات کنفرانسی تشکیل ائتدی.

گؤروشمه‌لرده اردوغان، ایکی اؤلکه آراسین‌داکی سیاسی، حربی، اقتصادی، تیجاری و مد‌نی مسئله‌لری مذاکیره ائتمک ایمکانی تاپدیق" دئیه دانیشدی.

ایکی اؤلکه آراسین‌دا تیجارت حجمینین گلیشمکده اولدوغونو دیله گتیرن اردوغان، ۶ آنلاشمانین ایمضالاندیغینی سؤیله‌دی.

اردوغان، ۲۰۱۶دا ۱ میلیارد دلارلیق بیر تیجارت حجمینین هدفلندیگینی خاطیرلاداراق،

"بو تیجارت هدفینه هله چاتابیلمیش دئییلیک. گؤروشمه‌لریمیزده بو هدف ایستیقامتین‌ده داها چوخ چالیشیلماسینین گریینی ده اورتایا قویدوق و ایندی یئنی هدفیمیز ۱،۵ میلیارد دلارلیق بیر هدف‌دیر. تورکیه و بئلاروسون، اصلین‌ده بونو ائتمه ایمکانی وار" دئدی.

بئلاروسدا تورک مدنیتینه، تورکجه‌یه اولان ماراغین و بئلاروس‌لو توریستلرین ان چوخ سئچدیگی اؤلکه‌لردن بیرینین تورکیه اولماسینین سئویندیریجی اولدوغونو ایفاده ائد‌ن اردوغان، بونلاری سؤیله‌دی:

"ویزاسیز سیاحتلرین قاتقی‌سی ایله ۲۰۱۶.جی ایلده ۱۱۳ مین اولان بئلاروس‌لو قوناقلاریمیزین ساییسی ۲۰۱۸.جی ایلده ۲۴۵ مینه چاتدی".

اورتاق مطبوعات کنفرانسین‌دان اؤنجه، اردوغان و لوکاشئنکونون ایشتیراکی ایله ایکی اؤلکه آراسین‌دا آلتی آنلاشما‌نین ایمضالاندیغی مراسیم تشکیل ائدیلدی.

 



ایلگیلی‌لی خبرلر