امریکا-لی موشاویردن ی.پ.گ/پ.کا.کا آچیقلاماسی

ریچ اوتزن سوریه-نین قوزیی ینده  تهلوکه‌سیز زونا‌داکی فعالیت‌لرین دوغرو بیر شکیلده حیاتا کئچیریلمه‌سی حالیندا ی.پ.گ/پ.کا.کا-نین بورا‌دان چیخاریلاجاغینی بیلدیردی.

امریکا-لی موشاویردن ی.پ.گ/پ.کا.کا آچیقلاماسی

امریکانین خاریجی ایشلر ناظیرلیگی‌نین سوریه عملیات‌لاری عذره باش موشاویری ریچ اوتزن سوریه-نین قوزیی ینده  تهلوکه‌سیز زونا‌داکی فعالیت‌لرین دوغرو بیر شکیلده حیاتا کئچیریلمه‌سی حالیندا ی.پ.گ/پ.کا.کا-نین بورا‌دان چیخاریلاجاغینی بیلدیردی.

اوتزن بونو سیاست، ایقتیصادیات و جمعیت آراشدیرما‌لاری فوندو واشینگتن اوفی‌سی (SETA DC) طرفیندن تشکیل اولونان "سوریه-ده امریکا-تورکیه امکداشلیغینداکی چتین‌لیک‌لر" موضوع لو پانئلده چیخیش ائدرکن سؤیله‌دی.

سوریه-ده تورکیه-امریکا امکداش‌لیغی‌نین اوغورسوزلوغونو هئچ کیمین گؤرمک ایسته‌مه‌دیگینی بیلدیرن اوتزن امریکانین ی.پ.گ/پ.کا.کا ایله اولان علاقه‌سینی داعش ایله موباریزه‌ده بیر واسطه کیمی سجیلندیردی.

امریکانین سوریه-دن حربچی‌لرینی چیخارما قراری‌نین عملیات کاراکتئری داشیدیغینی و امریکا عسگری‌نین ان باشیندان بری داعش ایله موباریزه اوچون اورادا اولدوغونو دئین اوتزن سوریه-دن چکیلمه‌نین نه واخت اولاجاغی‌نین ایسه اولوسلار آراسی کوالیسیونون امریکا چکیلدیک‌دن سونرا نه قدر دستک وئرجگیندن و تهلوکه‌سیز زونانین یارادیلماسی کیمی بیر چوخ بولگه سل عامل‌دن آسیلی اولدوغونو ایفاده ائتدی.

اوتزن: "امریکا سوریه-دن یوروتدوگو سیاسته گؤره چیخمیر، ساده‌جه حربچی‌لرینی چیخاریر" دئدی.

اوتزن امریکا و تورکیه آراسیندا ان بؤیوک آنلاشیلمازلیق کیمی سجیلندیردیگی فرات چایی‌نین دوغوسو مسئله‌سی ایله باغلی بون‌لاری سؤیله‌دی: "عرب‌لرین سیخ شکیلده یاشادیغی یئرلرده یئرلی تهلوکه‌سیزلیک قوه‌لری ده عرب اولما‌لی‌دیر. بو مسئله‌ده امریکا و تورکیه همفیکیردیر. تورکیه-‌نین سرحدیندکی ی.پ.گ/پ.کا.کا عضوو اولان ترورچولارا قارشی چوخ گوج‌لو و منطق لی بیر اعتراضی وار. سرحد بؤلگه‌سی‌نین تاریخینه، ی.پ.گ ایله پ.کا.کا آراسینداکی علاقه‌یه و پ.کا.کا-نین ایللردیر تورکیه-‌یه قارشی آپاردیغی کامپانیایا نظر سالدیقدا، بو آرقومئنته بیر آز رغبت گؤسترمییمیز یئرینه دوشر" دئدی.

سوریه-نین قوزیی نین ی.پ.گ/پ.کا.کا-دان تمیزلنمه‌سی مسئله‌سینه توخونان اوتزن: "تهلوکه‌سیز زونا‌داکی فعالیت‌لرین دوغرو بیر شکیلده حیاتا کئچیریلمه‌سینی تامین ائتسک، ی.پ.گ/پ.کا.کا-نی سرحددن چیخاراجاغیق و آغیر سلاح‌لار دا چیخاریلمیش اولا‌جاق" دئدی.

سوریه-نین قوزیی-دوغوسوندا یئنی بیر خریطه یاراتماغا چالیشمادیق‌لارینی قئید ائدن اوتزن ساغلام، بیرلشمیش و دموکراتیک بیر سوریه گؤرمک ایسته‌دیک‌لرینی سؤزلرینه علاوه ائتدی.

سیاست، ایقتیصادیات و جمعیت آراشدیرما‌لاری فوندونون (ستا) باش کووردیناتورو پروفسور بورهان الدین دوران ایسه ی.پ.گ/پ.کا.کا-نین سوریه-تورکیه سرحدی‌نین ی.پ.گ/پ.کا.کا-دان تمیزلنمه‌سی‌نین و تهلوکه‌سیز زونانین تورکیه اوچون کریتیک اهمیت کسب ائتدیگینی بیل‌دیره‌رک، تورکیه‌نین ی.پ.گ/پ.کا.کا-دان ایره‌لی گله‌جک هئچ بیر تهلوکه‌نی قبول ائتمه‌یه‌جگینی ایفاده ائتدی.



ایلگیلی‌لی خبرلر