ناتو-دان اس-400 آچیقلاماسی
ناتو پارلامنت آسامبلیاسینین صدری Madeleine Moon تورکیه-نین اس-400 هاوا مودافعه سیستمی آلماسینین اؤز قراری اولدوغونو بیلدیرهرک، تورکیه-نین نه آلاجاغی ایله علاقهدار قراری اؤزونون وئرجگینی بیلدیردی.
ناتو پارلامنت آسامبلیاسینین صدری Madeleine Moon تورکیه-نین اس-400 هاوا مودافعه سیستمی آلماسینین اؤز قراری اولدوغونو بیلدیرهرک، تورکیه-نین نه آلاجاغی ایله علاقهدار قراری اؤزونون وئرجگینی بیلدیردی.
آنتالیادا 12-14 آوریل تاریخلرینده کئچیریلن و دونن باشا چاتان NATO PA 99. Rose-Roth سمیناری و آک دنیزی اورتا دوغو خصوصی قروپو بیرگه ییغینجاغینا قاتیلان مون تورکیه-نین روسیادان اس-400 هاوا مودافعه سیستمی آلماسی و تورکیه-نین ناتو-دا عهده سینه گؤتوردوگو رول بارهده "آنادولو" خبر آزانسینا معلومات وئریب.
تورکیه-نی گوجلو و فعال بیر ناتو متفیقی اولاراق تصویر ائدن مون دئییب کی، تورکیه چوخ حساس حادثهلرده و پروسه لرده اهمیتلی روللار گؤتورور. افغانیستان، عراق و کوزوو-داکی رولونو بونا نومونه گؤستره بیلریک. تورکیه ناتو اوچون مسئولیت گؤتوره بیلن، گوجلو و ساغلام بیر متفیقدیر.
مون ناتو-نون باش کاتیبی ینس استولتنبرگ ین تورکیه-نین اس-400 آلماسینین اؤز قراری اولدوغونا دقت چکهرک، "باش کاتیب استولتنبرگ حاقلیدیر. تورکیه نه آلاجاغینا دایر قراری اؤز وئریر. عینی شکیلده هر ناتو عضوو اؤلکهنین ساتین آلدیغی شئی او دؤولتین قراریدیر. ناتو هئچ کسه نه آلاجاغینی یاخود نه ائدجگینی سؤیلمز. بو ناتو-نون ایشلمه طرزی دئییلدیر" دئییب.
ناتو پا-نین صدر معاوینی فرانکلین وان کاپن ده تورکیه-نین اوزون مودتدیر امریکا-دان پاتریوتلار اوچون طلبینین اولدوغونو، بونا باخمایاراق آلا بیلمهدیگینی دیله گتیرهرک بیلدیریب کی، تورکیه-نین اؤز هاوا مودافعه سیستمینه صاحب اولما حاقی وار" دئییب.
ناتو پا آک دنیزی و اورتا دوغو عذره خصوصی قروپون صدری فیلیپه فولیوت دا تورکیه-نین سادهجه اس-400 دئییل، ایستهدیگی سلاحی آلماقدا آزاد اولدوغونو وورغولاییب. فولیوت ناتو عضوو هر اؤلکهنین اؤز منفعتینه و احتیاجینا گؤره حرکت ائتمکده آزاد اولدوغونو سؤیلهییب.
ایلگیلیلی خبرلر
هاکان فیدان هلندین باش ناظیری ایله گؤروشوب
قطردهکی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب