تورکیه یمن-ین اومیدی اولدو

تورکیه طبیعی فلاکت‌لر و فو ق العاده حال‌لار ایداره‌سی (آفاد) یمنه 7 مین قوتو قیدا محصولو، 640 یاتاق دستی، 850 عدد پتو و مین عدد مکتب چانتاسیندان عبارت یاردیم چاتدیردی.

یمن-ده 2015-جی ایلده شدت‌لنن قارشیدورما‌لاردان بو گونه ده ک 29 میلیونلوک اها‌لی‌نین 80 فایزینی تشکیل ائدن 24 میلیون اینسان یاردیما محتاج وضعیته دوشوب.

20 میلیون اینسانین آجلیق تهلوکه‌سی آلتیندا حیات موباریزه‌سی وئردیگی اؤلکه‌ده 17،8 میلیون اینسان تمیز سودان محروم حالدا یاشاییر، 19،7 میلیونو دا ساغلیق خیدمت‌لرین‌دن فایدا‌لانا بیلمیر.

یمن-ده هر 10 دقیقه‌ده بیر اوشاق موختلیف خسته‌لیک‌لردن، و یا آجلیق‌دان اؤلور.

اؤلکه‌ده یاشانان اینسان‌لیق فاجعه‌سینه سیرچی قالمایان تورکیه طبیعی فلاکت‌لر و فو ق العاده حال‌لار ایداره‌سی (آفاد) 4 آی اول "یمنه اومید اول" آدییلا باشلادیغی اینسانی یاردیم کامپانیاسی چرچیوه‌سینده بو آنا قدر 7 مین قیدا قوتوسو، 640 یاتاق دستی، 850 پتو و 1000 عدد مکتب چانتاسیندان عبارت یاردیمی یمن-‌لیلره چاتدیریب.

آفاد رسمی‌لری کامپانیایا دستک اولماق اوچون یمن-ده اینسانی بحرانا سئیرچی‌سی قالمایان اینسان‌لاری دستک وئرمه‌یه چاغیریرلار.

صلاحیت‌لی‌لر هر 10 دقیقه‌ده بیر اوشاغین حیاتدا قالا بیلمه‌سی اوچون حساس وطنداش‌لارین "یمن" یازیب 1866-یا مئساژ گؤندره‌رک 10 لیره تحفه وئره بیله جگینی، و یا آفاد-این اینترنت سایتی اوزریندن باغیش ائده بیله جگینی بیلدیریرلر.

قئید ائتمک لازیم‌دیر کی، بمت-نین قیدا و تاریم تشکیلاتی طرفین‌دن نشر اولونان 2019 گلوبال قیدا بحرانینا دایر راپوردا دا یمن کئچن ایل آجلیق تهلوکه‌سی ایله اوزلشن اؤلکه‌لردن بیری کیمی گؤستریلیب.