چاووش اوغلو:"امریکا امکداش‌لیق ائتدیگی ترور تشکیلات‌لارینا چوخ سلاح وئردی"

خاریجی ایشلر ناظیری مولود چاووش اوغلو ترور تشکیلاتی پ.کا.کا/ی.پ.گ بؤلگه‌ده اولدوغو مودتجه روسیانین، تورکیه-‌نین، باشقا قونشو اؤلکه‌لرین، ان اهمیت‌لی‌سی ده سوریه-نین تهلوکه‌سیزلیک ایچینده اولمایاجاغینی سؤیله‌دی.

1173477
چاووش اوغلو:"امریکا امکداش‌لیق ائتدیگی ترور تشکیلات‌لارینا چوخ سلاح وئردی"

خاریجی ایشلر ناظیری مولود چاووش اوغلو ترور تشکیلاتی پ.کا.کا/ی.پ.گ بؤلگه‌ده اولدوغو مودتجه روسیانین، تورکیه-‌نین، باشقا قونشو اؤلکه‌لرین، ان اهمیت‌لی‌سی ده سوریه-نین تهلوکه‌سیزلیک ایچینده اولمایاجاغینی سؤیله‌دی.

چاووش اوغلو بونو روسیا خاریجی ایشلر ناظیری سئرگی لاوروو ایله آنتالیادا کئچیردیک‌لری تورکیه-روسیا یوکسک سویه‌لی امکداش‌لیق شوراسی‌نین ییغینجاغیندان سونرا تشکیل ائدیلن مطبوعات کنفرانسیندا دئمیش‌دیر.

چاووش اوغلو آچیقلاماسیندا امریکانین امکداش‌لیق ائتدیگی ترور تشکیلات‌لارینا (ی.پ.گ / پ.کا.کا) چوخ سلاح وئردیگینی ایفاده ائتدی.

امریکالی صلاحیت لیلرین داها اول "سلاح‌لاری گئری آلا‌جاق‌لارینی" سؤیله‌مه‌لرینه باخمایا‌راق ایندی "هامی‌سینی آلا بیلمه‌یه‌جک‌لرینه" دایر آچیقلاما‌لار وئردیک‌لرینی بیلدیرن چاووش اوغلو بون‌لاری قئید ائتدی: "بعضی‌لری‌نین ایستیفاده ائدیلدیگینی و گئری آلینا بیلمه‌یه‌جک وضعیتده اولدوغونو سؤیلییرلر، اما گئرچک بودور کی، ی.پ.گ/پ.کا.کا بو سلاح‌لارین اهمیت‌لی بیر قیسیمینی ساتمیش. بعضی‌لری دا تورکیه‌-ده یاخا‌لانیر. پ.کا.کا / ی.پ.گ بو بؤلگه‌ده اولدوغو مودتجه روسیانین، تورکیه-‌نین، قونشو اؤلکه‌لرین ان اهمیت‌لی‌سی ده سوریه-نین تهلوکه‌سیزلیک ایچینده اولدوغونو سؤیله‌یه بیلمریک. سوریه-نین سرحد، اراضی بوتؤو‌لوگو تهدید آلتیندا‌دیر، چونکی بون‌لارین مقصدی بللی‌دیر، سوریه-نی بؤلمئکتیر".

امریکانین سوریه-دن چکیلمه‌سیندن سونرا نلر ائدیله بیله جگینی امریکالی صلاحیتلی لرله گؤروشدوک‌لرینی ایفاده ائدن چاووش اوغلو عینی زاماندا روس طرفداش‌لاری ایله ده بو ایشی کووردیناسیا ائتدیک‌لرینی وورغولادی.

تورکیه و روسیانین سوریه-نین اراضی و سرحد بوتؤو‌لوگونه صادق‌لیگی‌نین دقیق اولدوغونو دیله گتیرن چاووش اوغلو "امریکانین چکیلمه قراریندان سونرا بیر ایستراتژینین، حرکت پلانی‌نین اولمادیغینی گؤروروک. امریکادان بو موضوع دا دا ضدیت‌لی فرق‌لی شرح‌لر، آددیم‌لار گلیر. بیز بو پروسه‌سی بیرلیکده کووردیناسیا ائتمک مجبوریتیندییک و بورا‌لارداکی بوش‌لوغو خصوصیله ترور تشکیلات‌لاری دیرلندیرمه‌مه‌لی‌دیر. حساس اولدوغوموز موضوع  بودور. بیزیم اؤز تهلوکسیزلیگیمیز اوچون سوریه-نین تهلوکه‌سیزلیگی اوچون ده اهمیت‌لی‌دیر" دئیه بیلدیردی.



ایلگیلی‌لی خبرلر