چاووش اوغلو – لاوروو ایله آنتالیا-دا گوروشدو

خاریجی ایشلر ناظیری مولود چاووش اوغلو تورکیه ایله روسیا آراسیندا رسمی پاسپورت و تیر سوروجولرینه ویزا آسان‌لیغی باره‌ده سندی روسیا پرزیدنتی ولادیمیر پوتین‌ین ایمضالادیغینی سؤیله‌دی.

1173361
چاووش اوغلو – لاوروو ایله آنتالیا-دا گوروشدو
lavrov-cavusoglu.jpg

خاریجی ایشلر ناظیری مولود چاووش اوغلو تورکیه ایله روسیا آراسیندا رسمی پاسپورت و تیر سوروجولرینه ویزا آسان‌لیغی باره‌ده سندی روسیا پرزیدنتی ولادیمیر پوتین‌ین ایمضالادیغینی سؤیله‌دی.

چاووش اوغلو بونو آنتالیا بلک-ده گؤروش کئچیردیگی روسیانین خاریجی ایشلر ناظیری سئرگی لاوروو ایله تشکیل ائتدیگی بیرگه مطبوعات کونفرانسیندا بیلدیردی.

چاووش اوغلو تورکیه-روسیا یوکسک سویه‌لی امکداش‌لیق شوراسی‌نین استراتژی پلانلاشدیرما بیرگه قروپونون 7-جی ایجلاسینی کئچیردیک‌لرینی و بونا گؤره لاوروو و هئیتینی آنتالیادا قوناق ائتمک‌دن ممنونیت دویدوغونو سؤیله‌دی.

لاوروو ایله هر فورصتده بیر آرایا گلدیک‌لرینی بیلدیرن چاووش اوغلو ایکی طرف‌لی علاقه دار، بولگه موضوع لاری قیمتلندیریک‌لرینی قئید ائتدی.

ایکی اؤلکه لیدرلری‌نین باشچیلیغیندا آوریلین 8-ده روسیانین پایتاختی مسکوادا کئچیریله‌جک تورکیه-روسیا یوکسک سویه‌لی امکداش‌لیق شوراسی‌نین ییغینجاغین‌دان اول موختلیف موضوع لارین موذاکیره اولودوغونو وورغولایان چاووش اوغلو دئدی: "تیجارت‌دن انرژییه، مدنیت‌دن توریزمه موختلیف موضوع لاری لیدرلریمیز و علاقه‌دار ناظیرلریمیز همین ذیروه ییغینجاغیندا موذاکیره ائده‌جک‌لر. بیز ده بو گون بو ییغینجاقدا بون‌لار اوچون حاضرلیق گؤردوک. روسیا‌دان تورکیه-‌یه گلن توریست سایین‌داکی آرتیم بیزی ممنون ائدیر. ییغینجاقدا هم ده ویزا مسئله‌سی موذاکیره اولوندو. رسمی پاسپورت و تیر سوروجولرینه ویزا آسان‌لیغی باره‌ده سندی روسیا پرزیدنتی ولادیمیر پوتین ایمضالاییب. بونون قوه‌یه میندیریلمه‌سیله باغلی فعالیت‌لریمیز داوام ائدیر. گؤزلنتیمیز وطنداش‌لاریمیزا تطبیق ائدیلن ویزا رژیمی‌نین لغو ائدیلمه‌سی‌دیر. روسیا ایله ساده‌جه ایکی طرف‌لی علاقه لر دئییل، بولگه سل موضوع لارداکی امکداش‌لیق دا گوجلنیب".

امریکا سناتینا روسیا‌دان "اس-400" مودافعه سیستم‌لری آلدیغینا گؤره تورکیه-‌یه "اف -35" دؤیوش طیاره‌لری‌نین ترانسفرلری‌نین دایاندیریلماسینی نظرده توتان قانون لاییحه‌سی‌نین تقدیم ائدیلمه‌سی مسئله‌سینه ده توخونان چاووش اوغلو بیلدیردی کی، پرینسیپ اولا‌راق اوچونجو اؤلکه‌لرین ایکی دؤولت آراسیندا قبول اولونموش قرارا اعتراض ائتمه‌سی اولوسلار آراسی سیاسته ضیددیر. بیز روسیا ایله راضیلاشدیق و موقاویله ایمضالادیق. آرتیق بو موقاویله قوه‌ده‌دیر و حاضردا بیز مودافعه سیستم لرینین تداروکو حاقیندا دانیشیریق. اوچونجو اؤلکه‌یه ساتماق دئیه بیر شئی یوخ‌دور. ساده‌جه اؤز اؤلکه‌میزین احتیاجی اوچون بون‌لار آلینیب.

سئرگی لاوروو دا گؤروش‌لرده مدنیت و توریزم موضوع لاری ایله یاناشی حربی و مودافعه ساحه‌سیندکی امکداش‌لیق و سوریه مسئله‌سی‌نین موذاکیره اولوندوغونو بیلدیردی.

آچیقلاماسیندا امریکانین جولان تپه‌لریله باغلی قرارینا دا توخونان لاوروو بو مسئله‌نین ایسرایل-ده کئچیریله‌جک سچکی‌لرله علاقه لندیریلدیگینی، اما حادثه‌نین باشقا جهتی‌نین ده شعورلو اولا‌راق "من ایستدیگیمی ائدرم" نوماییشی اولدوغونو دیله گتیردی.

لاوروو "بو اولوسلار آراسی حقوقا ضیددیر. بوتون اولوسلار آراسی حقوق پوزولموش و تاپدالانمیش‌دیر" ایفاده‌لرینی ایشلتدی.

لاوروو سوندا روس هئیتینه گؤستریلن قوناق‌پرورلییه گؤره چاووش اوغلونا تشککور ائتمیش‌دیر.



ایلگیلی‌لی خبرلر