تورکیه قاسیرغا فلاکتی‌نین زیان ووردوغو موزامبیکه یاردیم گؤندریر
یاردیم هئیتی تورکیه‌نین موزامبیک سفیری زینب کیزیلتان و موزامبیک‌لی صلاحیت‌لی‌لر طرفیندن قارشیلانیب
تورکیه قاسیرغا فلاکتی‌نین زیان ووردوغو موزامبیکه یاردیم ائتدی.
فوق العاده حال‌لار ایداره‌سی صدرلیگی (AFAD) کووردیناتورلوغونداکی تورکیه‌نین یاردیم تشکیلات‌لاری اینسانی یاردیمی آپارماق و آختاریش-قورتارما فعالیت‌لرینه قاتیلماق اوچون قاسیرغا و سئل فلاکتی‌نین جدی زیان ووردوغو موزامبیکه چاتیب.
یاردیم هئیتی تورکیه‌نین موزامبیک سفیری زینب کیزیلتان و موزامبیک‌لی صلاحیت‌لی‌لر طرفیندن قارشیلانیب.
سفیر کیزیلتان افریقا-دا "ایدای" تروپیک قاسیرغاسی‌نین سبب اولدوغو فلاکتین ان چوخ زیان ووردوغو اوچ اؤلکه‌دن بیری اولان موزامبیک-ین فلاکتین تأثیرلرینه ان چوخ معروض قالان یئر اولدوغونو بیلدیریب.
سفیر تورکیه‌نین بؤلگه‌یه یاردیم الینی سرعت‌لی شکیلده اوزا‌دان اؤلکه‌لردن اولدوغونو وورغولایا‌راق، ایلک مرحله‌ده تیکا طرفیندن 600 عائله اوچون یاردیم باغلاماسی حاضیرلاندیغینی قئید ائدیب.
تورکیه‌نین یاردیم تشکیلات‌لاری ماپوتو-داکی فعالیت‌لریندن سونرا فلاکتین ان چوخ تاثیرلندیگی بریا شهرینه یولا سالینیب.
گونئی افریقا اؤلکه‌لرین‌دن موزامبیک، زیمبابوه و مالاوی-ده کئچن هفته باش وئرن قاسیرغا و گوج‌لو یاغیش‌لارین سبب اولدوغو داشقین‌لارا گؤره اؤلن‌لرین سایی‌نین 700-او اؤتدوگو بیلدیریلمیشدی.
ایلگیلی‌لی خبرلر
"ت‌رت ایسپانیولجا" یایین حیاتینا باشلاییر
ت‌رت، اولوسلارآراسی دیجیتال خبر پلتفورملارینا بیر یئنیسینی داها علاوه ائدیر
