تروریست، ایکی دفعه تورکیه‌یه گلمیش

تروریستین چئوریلیش گیریشیمیندن اول و سونرا تورکیه‌یه گلدیگی اورتایا چیخدی

تروریست، ایکی دفعه تورکیه‌یه گلمیش

یئنی زلاندین کرایست‌چورچ شهرین‌ده‌کی ایکی مسجده سالدیران تروریستلردن برنتون هریسون تارانت‌ین ۲۰۱۶دا ایکی آیری تاریخ‌ده تورکیه‌ده اولدوغو معین اولوندو.

 ت‌رت وورلدون خبرینه گؤره، کرایست‌چورچ شهرین‌ده‌کی نور و لیند‌وود مسجدلرین‌ده جمعه نامازی سیراسین‌دا ۴۹ نفری قتل ائد‌ن تروریستلردن استرالیا وطنداشی تارانتین، ۱۵ ژوئیه ۲۰۱۶ فئتو (فتح‌الله‌چی ترور هؤؤگوتو) چئوریلیش جهدین‌دن اول ۱۷-۲۰ مارس آراسین‌دا تورکیه‌ده اولدوغو، چئوریلیش گیریشیمیندن سونرا ۱۳ سپتامبردا تکرار تورکیه‌یه گلدیگی اورتایا چیخدی.

تورک یئتکیلیلر، ایکینجی گلیشین‌ده ۴۳ گون تورکیه‌ده قالان تارانتین اولاسی بیر ترور یا دا سوءقصد عملیاتی گرچکلشدیرمک اوچون بورادا اولابیله‌جگی احتیمالی اوزرین‌ده دورور.

استرالیادا یاییملانان ای‌بی‌سی نیوزون خبرینه گؤره ده آوروپا، گونئی دوغو آسیا و دوغو آسیایا گئتدیگی اورتایا چیخان تروریست تارانتین ۲۰۱۸.جی ایلده ده پاکیستان‌دا اولدوغو تعیین اولوندو.

خبرده آیریجا تاررانتین قوزئی کره‌ده ده اولدوغونو گؤستره‌ن فوتوشکیللره یئر وئریلدی.

 یئنی زلاند باشباخانی جاسیندا آردرن، تشکیل ائتدیگی مطبوعات کنفرانسین‌دا، کرایست‌چورچ شهرین‌ده جمعه نامازی اثناسین‌دا ایکی مسجده تشکیل ائدیله‌ن ترور سالدیریسینین آردین‌دان استرالیا وطنداشی داخیل اوچ نفرین حبس اولوندوغونو آچیقلامیشدی.

 آردرن، توتوقلانان شخصلرین هئچ بیرینین داها اول سابقه‌سینین اولمادیغینی، یئنی زلانددا یا دا باشقا بیر یئرده استخبارات سرویسلری طرفین‌دن ایزله‌نیله‌ن شخصلر آراسین‌دا یئر آلمادیغینی سؤیلمیشدی.



ایلگیلی‌لی خبرلر