اردوغان: حسابی سوروشولمالی

"ای ناموس‌سوز، یئنی زلاند هارا، تورکیه هارا؟"

اردوغان: حسابی سوروشولمالی

پرزیدنت رجب طیب اردوغان، یئنی زلانددا باش وئره‌ن ترور سالدیریسینین حسابینین سوروشولماسینی ایسته‌دی.

اردوغان، ۳۱ مارس محلی سئچیملری اؤنجه‌سی تکیرداغ میتینگین‌ده خالقا خطاب ائدرکن، دونن یئنی زلاندین کرایست‌چورچ شهرین‌ده جمعه نامازی سیراسین‌دا ۲ مسجده ائدیله‌ن سلاح‌لی ترور سالدیریسینا توخوندو.

مسلمانلارا قارشی سالدیرییا، "قتل عام" دئین پرزیدنت،

"یئنی زلانددا سالدیرقان قتل عامدا ایستیفاده ائتدیگی سلاحلارینی تورک و مسلمان دوشمنلریله بزمیش. (تروریست) ایستانبولا گله‌جییک بوتون مسجیدلری، میناره‌لری ییخاجاییق دئمیش. ناموس‌سوز، یئنی زلاند هارا، تورکیه هارا؟ نئجه اولور دا دونیانین او بیری اوجون‌داکی بیر قاتیل، مسلمانلارلا و تورکلرله ایلگیلی بو قدر فسادلا باشی دولو اولاراق حرکته گئچیریله‌بیلیر؟ " دئدی.

قاتیلین، ایکی دفعه ایستانبولا گلدیگینین معین اولوندوغونو خاطیرلادان اردوغان، "ایستانبولا ۳ گون بیر گلمیش، ۴۰ گون بیر گلمیش. ایندی ایشلر گؤرولور. بونون باغلانتی‌سی هارالارلا وار، چیخاراجاییق. اما طبیعی یئنی زلانددان بونلارین حسابینین سوروشولماسینی ایسته‌ییریک. ائله قورو قورویا، بئله بیر مدت یاتسین، اوندان سونرا چیخسین. اولماز بئله شئی. ۴۹ اینسان ... بو بیر قتل عام، بونون حسابینین سوروشولماسی لازیم. عکس تقدیرده بو گئدیش یاخشی بیر گئدیش دئییل. یارین عینی وضعیتی یئنی زلاند دا یاشار" دئیه دانیشدی.

 



ایلگیلی‌لی خبرلر