۵ سیاسی پارتی قینادی
بشریتین مؤوضع آلماسینین ضرورتینه وورغو ائدیلدی
تورکیه بؤیوک میلت مجلیسینده قروپو اولان ۵ سیاسی پارتی، یئنی زلانددا ائدیلهن ترور سالدیریسینی، یاییملادیغی اورتاق بیلدیری ایله قیناددی.
بیلدیریده،
"بو ایرنج حادثه، بیر نئچه عاغیلسیزین شخصی گیریشیمی اولماقدان چوخ، هر گئچهن گون آرتان ایسلام و خاریجی قارشیدی نیفرت سؤیلهمینی اساس آلان عیرقچیلیغین نتیجهسیدیر" دئییلدی.
تورکیه بؤیوک میلت مجلسینین باشقانی مصطفی شنتوپون چاغریسیلا یاییملانان بیلدیریده، سالدیرینین ایسلام قارشیدلیغینین اؤلچوسونو گؤسترمهسی باخیمیندان حیاتی اولدوغو بیلدیریلرکهن بشریتین مؤوضع آلماسینین ضرورتینه وورغو ائدیلدی.
باتیلی یؤنتیملر و مئدیایا مراجعت ائدیلهن بیلدیریده اسلام قارشیدی حسلری و حرکتلری قیزیشدیران سؤیلهملردن صمیمی و قطعی صورتده اوزاق دورماق لازیم اولدوغو قید اولوندو.
اورتاق بیلدیریده، "اسلاما و مسلمانلارا قارشی سالدیریلارا یول آچان زهرلی ایقلیم و بعضی باتیلی یؤنتیملرین قبول ائدیلمز لاقیدلیکلری اورتادان قالخمادان بو ترور سونا چاتماز" دئییلدی و ترورون فرقسیز بیر شکیلده لعنتلهنمهسی لازیم اولدوغو وورغولاندی.