آوروپا پارلمانینین تورکیه راپورو یاییملاندی
"۲۰۱۸ تورکیه راپورو" فرانسانین استراسبورگ شهرین‌ده یئرلشن باش قورولدا اویلاندی
آوروپا پارلمانی (آ.پ) ۲۰۱۸ تورکیه راپورون‌دا "آوروپا بیرلیگینین تورکیه ایله قاتیلیم مذاکیره‌لرینی رسما آسقییا آلماسی" چاغریسی ائدیلدی.
هلندلی آوروپا پارلمانی عضوو کتی پیری طرفین‌دن حاضرلانان "۲۰۱۸ تورکیه راپورو" فرانسانین استراسبورگ شهرین‌ده یئرلشن باش قورولدا اویلاندی.
"آوروپا بیرلیگینین تورکیه ایله قاتیلیم مذاکیره‌لرینی رسما آسقییا آلماسی" تکلیفینین یئر آلدیغی راپور، ۱۰۹ اویا قارشی ۳۷۰ اویلا قبول ائدیلدی. ۱۴۳ پارلامنتر ایسه طرفسیز قالدی.
توصیه کاراکتری داشییان و باغلاییجی‌لیغی اولمایان راپور‌دا، تورکیه‌نین تپکیسینی چکن چوخ سایدا عنصور سیرالاندی.
آنکارا ایله آوروپا بیرلیگی آراسینداکی دیپلوماسی ترافیکی ایسه آوروپا پارلمانی راپورون‌داکی چاغرینین عکسینه سرعت کسمیر.
آوروپا بیرلیگی ایله تورکیه آراسینداکی ان یوکسک قرار اوگانی اولان "اورتاقلیق شوراسی" توپلانتیسی تخمیناً ۴ ایل آرانین آردین‌دان، یارین بلژیکین باشکندی بروکسل‌ده گئچیریله‌جک.
توپلانتییا، خاریجی ایشلر باخانی مؤولود چاووش‌اوغلو، آوروپا بیرلیگی قانادین‌دان یوکسک نماینده فدریکا موگرینی باشقانلیق ائد‌جک.
آوروپا بیرلیگی ایله قورومسال دیالوگون داوامی و چئشیدلندیریلمه‌سی باخیمین‌دان اؤنملی اولان توپلانتییا آوروپا بیرلیگی کومیسیونو گئنیشله‌مه‌دن مسئول عضوو یوهانس هان دا قاتیلاجاق.
طرفلر، بؤلگه‌سل مسئله‌لر و ایکی‌لی ایلیشکیلری گئنیش شکیل‌ده دگرلندیرمه فورصتی تاپاجاق.
بو چرچیوه‌ده (تورک وطنداشلارینا) ویزا سربستلیگی، گؤمروک بیرلیگینین یئنی‌لنمه‌سی، قاتیلیم پروسه‌سین‌ده گلینه‌ن نقطه، ترورلا مباریزه‌ده امکداش‌لیق کیمی مسئله‌لرین مذاکیره اولونماسی گؤزلنیلیر.
