عمر چلیک:" امریکا طرف‌دن گلن آچیقلامالار سرحدی آشدی"
عدالت و اینکیشاف پارتیسی‌نین (آک پارتی) سؤزچوسو عمر چلیک تورکیه-نین روسیا-دان اس-400 هاوا مودافعه سیستمی تداروکو ایله باغلی امریکا طرف‌دن گلن شرح‌لرین سرحدی آشدیغینی سؤیله‌ییب.
عدالت و اینکیشاف پارتیسی‌نین (آک پارتی) سؤزچوسو عمر چلیک تورکیه-نین روسیا-دان اس-400 هاوا مودافعه سیستمی تداروکو ایله باغلی امریکا طرف‌دن گلن شرح‌لرین سرحدی آشدیغینی سؤیله‌ییب.
عمر چلیک پارتی‌نین مرکزی قرارگاهیندا مطبوعات کنفرانسی کئچیریب. او، تورکیه-نین سوریه-ده کی محاربه ایله بیرلیکده هاوا‌دان مودافعه احتیاجی‌نین دا آرتدیغینی، بو مقصدله امریکا-دان "پاتریوت" الده ائتمه‌یه جهد گؤستریلسه ده، لاکین تورکیه-نین طلب‌لرینه مثبت جاواب وئریلمه‌دیگینی دئییب. بیلدیریب کی، هاوا مکانی‌نین تهدیدلره معروض قالدیغی تورکیه-نین ناتو متفیق‌لری طرفیندن دستکلنمه‌سی لازیم ایدی.
"پاتریوت"و وئرمه‌ین طرفین اس-400-ون آلینماسی مسئله سینده یانلیش شرح‌لر وئردیگینی ایفاده ائدن پارتی سؤزچوسو اس-400-لرین تورکیه-نین احتیاج‌لارینی قارشیلایا‌جاق سویه‌ده اولدوغونو، هم مالیه، هم ده تکنولوژی باخیمیندان ال وئریش‌لی اولدوغونو سؤیله‌ییب.
امریکانین اس-400 مسئله سینده تورکیه-یه قارشی داورانیش‌لاری‌نین اهمیت‌سیز اولدوغونو، اؤلکه‌سی‌نین بو جور کاپریزلرله مشغول اولمایاجاغینی دیله گتیرن عمر چلیک بیلدیریب کی، اس-300 ناتو عضوو اولمایان 23 اؤلکه‌یه ساتیلیب. تورکیه-یه قارشی بئله رفتارین نوماییش ائتدیریلمه‌سی ایکی‌لی ایستاندارت‌دیر. "نیه یونانیستان-دا اس-300-ون موجودلوغونو نورمال قارشیلاییرلار؟ بولقاریستان، یونانیستان و سلوواکیا دا ناتو-نون عضوودور" دئین آک پارتی نین تمثیلچی‌سی مسئله ایله باغلی شرح‌لرین سرحدی آشدیغینی، حتی اف-35 دؤیوش طیاره‌سی پروقرامینا تورکیه-نین ده داخیل ائدیلمه‌سی مسئله‌سینه یئنی‌دن باخیلماسی کیمی منطیق‌سیز بیر نقطه‌یه گلدیگینی، ناتو متفیق‌لیگینه یاراشمایان بعضی ایفاده‌لر ایشلدیلدیگینی ده بیلدیریب. " بو شکیلده تهدیدلر تورکیه-نین قاپی‌سیندان ایچری گیرمز، تورکیه-ده ده کیمسه بونو حیس ائتمز"، دئیه عمر چلیک سؤزلرینه علاوه ائدیب.
ایلگیلی‌لی خبرلر
چاووش‌اوغلو: تورک گمیچیلری قاچیران قولدورلاردان هله خبر گلمه‌دی
تورک گمی‌سینده‌کی ۱۹ نفر‌دن بیر آذربایجانلی گمیچی اؤلدورولدو و ۱۵ نفر قاچیریلدی
