"بوزقورد" سمبولو یاساغینا تپکیلر آرتیر

"اتریشده پارلماندا قبول ائدیله‌ن سمبول یاساسینین بوزقورد علامتینی ایچره‌جک شکیل‌ده قوه‌یه مینه‌جک اولماسینی قبول ائتمیر و بیر داها شدتله قیناییریق"

1156877
"بوزقورد" سمبولو یاساغینا تپکیلر آرتیر

اتریشدن بوزقورد علامتی قاداغاسینا تپکیلر آرتیر.

اؤلکه‌ده "بوزقورد" علامتی‌نین "سمیول یاساسی" چرچیوه‌سین‌ده قاداغان اولونماسینا تپکی گؤستره‌نلر، باشباخان کورزون تویتر حسابی اوزرین‌دن ائتدیگی پایلاشیما "بوزقورد" سمبولو علاوه ائد‌رک یوروملار یاز‌دی.

باشباخان کورز، تپکیلر اوزرینه سوسیال مئدیا حسابین‌دان یئنی بیر آچیقلاما یایینلایاراق،

"بیزیم اساس دموکراتیک دگرلریمیزی قبول ائتمه‌یه‌ن، یا دا بونا قارشی مباریزه آپاران شخصلرین اؤلکه‌میزده یئری یوخدور" ایفاده‌لرینی ایشلتدی.

تپکیلرین اؤزونو هدفین‌دن اوزاقلاشدیرمایاجاغینی بیلدیره‌ن کورز، اتریشین قورال و یاسالارینا عمل ائتمه‌یه‌نلره یاسال ایشلم ائدیله‌جگینی خاطیرلاتدی.

اتریشده دسامبر ۲۰۱۸ده مجلیس‌ده قبول ائدیله‌ن "سمبول قانونو"، گئچن آی یاسالاشما پروسه‌سینی باشا چاتدیراراق ۱ مارس ۲۰۱۹ تاریخی اعتباریله قوه‌یه گیرمیشدی.

قانونا گؤره اؤلکه‌ده داعش، القاعده، پ‌کاکا، مسلمان قارداشلار، حماس، حزب‌الله، اوستاشا(اسکی یوکسلاوی‌ده بیر حرکت) کیمی ترور هؤرگوتو، پارتی و یا دیگر اولوشوملارا عیید، آرالارین‌دا "بوزقورد" ایشاره‌سنین ده اولدوغو ۱۳ سمبول و علامت قاداغان اولونموشدو.

قانونا ضد داورانانلارا ۴ مین یورویا قدر پول و یا بیر آی حبس جزاسی وئریله‌جک.

تورک سیاستینین اؤنملی اولوشوملاریندان میللیت‌چی حرکت پارتیسی م‌ح‌پ‌نین و اۆلکو اوجاقلارینین دا قوللاندیغی "بوزقورد" ایشاره‌سنین قاداغان ائدیلمه‌سی و بؤلوجو ترور هؤرگوتو پ‌کاکا ایله عینی سیرایا قویولماسی تپکیلره سبب اولموشدو.

دارتیشما‌لی قانونا تورکیه سرت تپکی گؤسترمیش، خاریجی ایشلر باخانلیغیندان وئریله‌ن یازی‌لی آچیقلامادا،

"اتریشده پارلماندا قبول ائدیله‌ن و یاسالاشما پروسه‌سی باشا چاتان سمبول یاساسینین بوزقورد علامتینی ایچره‌جک شکیل‌ده ۱ مارس ۲۰۱۹ تاریخی اعتباریله قوه‌یه مینه‌جک اولماسینی قبول ائتمیر و بیر داها شدتله قیناییریق" دگرلندیرمه‌سینه یئر وئریلمیشدی.

خاریجی ایشلر باخانی مؤولود چاووش‌اوغلو دا، "بوزقورد" و "رابعه" علامت‌لرینین قاداغان ائتمه‌سینه تپکی گؤستره‌رک،

"اتریشه بیر الیم‌ده بوزقورد، بیر الیم‌ده رابعه علامتی ایله گیره‌جه‌یه‌م" ایفاده‌لرینی ایشلتمیشدی.



ایلگیلی‌لی خبرلر