اردوغان، ترامپین دامادینی قبول ائتدی
گؤروشمه‌ده آمریکانین ایران اؤزل نماینده‌سی برایان هوکون دا حاضر اولدوغو بیلدیریلدی
جمهورباشقانی رجب طیب اردوغان، آمریکا بیرلشمیش دؤولتلری باشقانی دونالد ترامپین دانیشمانی، یاردیمچیسی و دامادی جرد کوشنری قبول ائتدی.
بعضی اورتادوغو اؤلکه‌لرینه سفرینین آردین‌دان باشکند آنکارایا گلن کوشنری قبول‌دا، خزانه و مالیه باخانی برات آلبایراق دا حاضر اولدو.
آغ ائوده‌ن قبولا دایر وئریلن یازی‌لی آچیقلامادا، کوشنرین اردوغانلا گؤروشون‌ده، آمریکا اولوسلارآراسی بازارلیقلار اؤزل نماینده‌سی جیسون گرینبلت و آمریکانین ایران اؤزل نماینده‌سی برایان هوکون دا حاضر اولدوغو قید اولوندو.
گؤروشمه‌ده ایکی اؤلکه آراسین‌داکی ایلیشکیلرین اینکیشاف ائتدیریلمه‌سی مسئله‌سینین موذاکیره اولوندوغو بیلدیریلن آچیقلامادا، فیلیسطین و ایسراییل آراسین‌داکی پروبلئملرین حلی اوچون آنکارا و واشینگتونون گؤستردیگی چابانین دانیشیلدیغی ایفاده ائدیلدی.
آچیقلامادا، گؤروشمه‌ده آیریجا، بؤلگه‌سل شرطلرین داها یاخشی وضعیته گتیریلمه‌سی اوچون ائدیله‌بیله‌جک یاتیریملارین گوند‌مه گتیریلدیگی بیلدیریلدی.
