تورکیه‌دن، آوروپا پارلامنتی راپورونا اعتراض
تورکیه، آوروپا پارلامنتی‌نین حقوقی علاقه‌لی‌لیگی اولمایان 2018 تورکیه راپورو تاسلاغی‌نین قطعیت قبول ائدیلمز اولدوغونو بیلدیریب
تورکیه‌دن، آوروپا پارلامنتی راپورونا اعتراض
تورکیه، آوروپا پارلامنتی‌نین حقوقی علاقه‌لی‌لیگی اولمایان 2018 تورکیه راپورو تاسلاغی‌نین قطعیت قبول ائدیلمز اولدوغونو بیلدیریب.
خاریجی ایشلر ناظیرلیگی‌نین سؤزچوسو هامی آکسوی، آوروپا پارلامنتی دیش علاقه‌لر کومیته‌سینده قبول ائدیله‌رک آوروپا پارلامنتی گنل قورولوندا سوق ائدیلن "2018 تورکیه راپورو تاسلاغینا" موناسیبتین،
" حقوقی باغلیلیغی اولمایان، توصیه قراری کاراکترلی تاسلاق راپوردا، اؤلکه‌میزین آوروپا بیرلیگینه قاتیلیم موذاکیره‌لری‌نین رسمن تاخیره آلینماسی دعوت ائدیلمه‌سی قطعیتله قبول ائدیلمز." ایفاده‌سینی ایستیفاده ائتدی.
آکسوی، تاسلاق راپورون آوروپا پارلامنتی خاریجی علاقه‌لر کومیته‌سینده سسوئرمه‌یه چیخاردیغینا دقتی چکه‌رک، سون راپورون 11-14 مارس و 25-28 مارسدا کئچیریله‌جک آوروپا پارلامنتی باش مجلیسینده قبول ائدیلمه‌سی‌نین گؤزلندیگینی وورغولاییب.
آکسوی، بئله داوام ائتدی:
"حقوقی باغلایجیلیغی اولمایان، توصیه قراری کاراکترلی لاییحه راپوردا، اؤلکه‌میزین آوروپا بیرلیگینه قاتیلیم موذاکیره‌لری‌نین رسمن تاخیره آلینماسی دعوت ائدیلمه‌سی قطعیتله قبول ائدیلمز. راپوردا یئر آلان اساس‌سیز ادعا‌لار ایسه، آوروپا پارلامنتی-نین اؤلکه‌میزه قارشی بیرطرف‌لی و غرضلی موضعسی‌نین یئنی بیر گؤستریجی‌سی‌دیر.
سؤز قونوسو تاسلاق راپوردا و اساس‌سیز یاناشما‌لارلا وئریلدیگی آنلاشیلان دییشیک‌لیک دوزلیش‌لرینه دایر اولاراق لازیمی تلاشلار گؤستردیک و گؤسترمه‌یه داوام ائدیریک. آوروپا پارلامنتی عضو‌لرینه اؤلکه‌میزده پرزیدنت حکومت سیستمینه کئچیدله بیرلیکده گئدن پروسه‌لری و موجود اصلاحات پروسه‌میزی دانیشیریق.
بونا باخمایا‌راق، اؤلکه‌میز علیهینه دایره‌لردن قیدا‌لانا‌راق اورتایا آتیلان سندسیز ادعا‌لارین تاسلاق راپوردا یئر آلماغا داوام ائتدیگینی تأسفله گؤروروک. لازیمی دوزلیش‌لرین آپاریلا‌راق مارس آیین‌داکی آوروپا پارلامنتی باش مجلیسینده قبول اولونا‌جاق یکون راپورون داها دوغرو، طرف‌سیز و تشویق ائدیجی اولماسینی گؤزلییریک. آنجاق بئله بیر راپور اؤلکه‌میزدن نظره آلینا‌جاق‌دیر".
خاریجی ایشلر ناظیرلیگی سؤزچوسو آکسوی، تورکیه‌نین آوروپا بیرلیگینه قاتیلیم پروسه‌سینده و بو یولدا اصلاحات ایشلرینی داوام ائتدیرمک مسئله‌سینده قرارلی اولدوغونو وورغولاییب،
" بونو هر شئی‌دن اوّل، ان یوکسک ایستاندارد‌لاری حاق ائدن خالقیمیز اوچون ایستییریک. تورکیه‌نین ایشتیراکی موذاکیره‌لری‌نین تاخیره آلینماسینا دئییل، قاتیلیم پروسه‌سی‌نین اؤنونون آچیلماسینا احتیاج وار." قیمتلندیرمه‌سینده اولوب.
