اردوغان: دوستلوغوموزو گؤرک

جینایتی تؤره‌دنلردن بیری: من کسمه‌یی یاخشی بیلیرم

1146544
اردوغان: دوستلوغوموزو گؤرک

تورکیه پرزیدنتی رجب طیب اردوغان: "آمریکا بیرلشمیش ایالتلری فتح‌الله‌چی ترور هؤرگوتونون (فئتؤ) باش‌چی‌سینی تحویل وئره‌رک دوست اولدوغونو گؤسترمه‌لی‌دیر" دئدی.

تورکیه پرزیدنتی رجب طیب اردوغان بیر اؤزل تلویزیون کانالینین اورتاق یاییمین‌دا گوندم‌ده‌کی مسئله‌لر باره‌سین‌ده فیکیر بیلدیردی. اردوغان آچیقلامالارین‌دا ۱۵ جولای ۲۰۱۶-جی ایلده تؤردیلمیش دؤولت چئوریلیشی جهدینه گؤره مسئولیت داشییان فئتؤ باشچی‌سینین آمریکادا حمایه آلتینا آلینماسینا تپکی گؤستره‌رک: "اؤلکه‌میزده فئتؤ ایله باغلی وئریلمیش بو قدر قرار وار. بیز اونونلا ایلگیلی ۸۵ قوولوق/کلاسور سندی آمریکایا گؤندردیک، بونلار اورتادادیر. آمریکا بیرلشمیش دؤولتلری یالنیز دئپورت ائد‌جک. گؤندرسین، دوستلوغوموزو گؤرک. بو مسئله بیزیم آمریکا بیرلشمیش دؤولتلری ایله آرامیزداکی گرگین‌لیگی آرتیریر" دئدی. جمهور باشقانی آمریکا بیرلشمیش دؤولتلری پرزیدنتی دونالد ترامپین:"۲۴ ساعات عرضین‌ده سوریه قونوسو ایله باغلی آچیقلاما وئره‌جه‌یه‌م" ایفاده‌سینین داعش مسئله‌سی ایله ایلگیلی اولابیله‌جیینه دقت چکدی. اردوغان: "ترامپ دئیه‌جک کی داعش ایله موباریزه‌ده قلبه قازاندیق. بیر ظفر اعلانی اولابیلر. اونسوز دا داعشدن سوریه‌ده نه قالدی کی؟! آرتیق قیرینتیلاری وار" دئدی.

 ۱۹۱۵.جی ایل حادثه‌لری واسطه‌سیله تورکیه‌یه بؤهتان آتان فرانسا پرزیدنتی امانوئل مکرونا دا سرت تپکی گؤستره‌ن اردوغان فرانسانین تؤرتدیگی سویقیریملاردان بحث ائتدی.

 ماکرونا فرانسا تاریخینی اؤیرنمه‌ یی تؤوصیه ائد‌ن تورکیه پرئیدئتی بونلاری سؤیله‌دی: "مکرونا دئدیم کی: "سیاست‌ده یئنی‌سن. بونلاری اؤیره‌ن. ایندی من سنه تاریخ درسی وئریرم. سن اول بو ایشی حل ائت. بیزیم تاریخیمیزده سویقیریم یوخ‌دور. اول بو ایشین تاریخینی اؤیره‌ن. ارمنیلر بیزیم اؤلکه‌میزده هئچ بیر زامان سویقیریما معروض قالمادیلار. حاضردا دا ۱۰۰ مین ارمنی وطنداشیمیز وار".

اردوغان سuودی ژورنالیستی جمال قاشیق‌چی جینایتی ایله باغلی اولوسلارآراسی سویه‌ده سوروشدورما آپاریلماسینین واجیب اولدوغونو بیر داها قید ائتدی.

 یئنی دلیللر اولدوغونا ایشاره ائد‌ن پرزیدنت: "بیز الیمیزده‌کی سندلرین هامی‌سینی وئرممیشیک. جینایتی تؤره‌دنلردن بیری: "من کسمه‌یی یاخشی بیلیرم" دئییر.

سونرا آنلاییریق کی، بو آدام  عدلی طب اوزمانی‌دیر. ایندی بوتون بونلار آچیق-آشکار اورتادادیر، داها نه‌یی گیزله‌ده‌جک‌سه‌ن؟" ایفاده‌لرینی ایشلتدی.



ایلگیلی‌لی خبرلر