چاووش اوغلو، تورکیه-آمریکا وظیفه گوجو

خاریجی ایشلر ناظیری مولود چاووش اوغلو، آمریکانین سوریه‌دن چکیلمه پروسه‌سینی کووردیناسیون ائتمک اوچون، تورکیه ایله آمریکا آراسیندا اورتاق بیر وظیفه گوجو قورولدوغونو دئییب.

مولود چاووش اوغلو، داعش علیهینه کوالیسیون خاریجی ایشلر ناظیرلری توپلانتی‌سی چرچیوه‌سینده اولدوغو آمریکانین باشکندی واشینگتون‌داکی دانیشیق‌لاری‌نین آردین‌دان مطبوعات کونفرانسی کئچیردی.

تورکیه ایله آمریکانین آمریکان عسگرلری‌نین چکیلمه‌سی و تورکیه‌نین سوریه‌ده سؤز موضوعسو اولان امنیت قایغی‌لارینا یؤنلیک بیرگه ایش آپاردیغینی دئین چاووش اوغلو، آمریکا سوریه‌دن چکیلمه پروسه‌سینی کووردیناسیون ائتمک اوچون تورکیه ایله آمریکا آراسیندا اورتاق بیر وظیفه گوجوکورولدوغونو بیلدیریب.

ناظیر چاووش اوغلو،

"آمریکانین سوریه‌دن چکیلمه پروسه‌سینی یاخین‌دان تعقیب ائتمک اوچون بیر وظیفه گوجو یارادیلیب. بونو تلفوندا (آمریکا خاریجی ایشلر ناظیری مایک) پومپئویا شخصاً تکلیف ائتمیشدیم، او دا بو تکلیفی مثبت قیمتلندیریب و بو وظیفه گوجو یالنیز آمریکانین چکیلمه پروسه‌سینه یؤنلده‌جک و تئز-تئز بیر آرایا گله‌رک قارشی‌لیق‌لی تکلیف‌لری قیمتلن‌دیره‌جک، یئنی معلومات‌لارلا گله‌جک و بو پروسه‌سین پروبلم‌سیز بیر شکیلده، کووردیناسیون‌لو شکیلده حیاتا کئچیریلمه‌سی اوچون بو مکانیزمی ده ایشه سالمیش اولدوق." دئدی.

مونبیچ یول پلانیندا ده گئجیکمه‌لرین اولدوغونو خاطیرلا‌دان چاووش اوغلو، اولومسوز هاوا شرط‌لرینه باخمایا‌راق مونبیچ یول پلانی‌نین حیاتا کئچیریلمه‌سینده بیر سورعتلنمه اولدوغونو گؤردوک‌لرینی سؤیله‌دی.

ناظیر چاووش اوغلو، بؤلوچو ترور تشکیلاتی ی.پ.گ/پ.ک.ک-نین هله ده مونبیچ‌ین ایچینده اولدوغونو و تشکیلاتین مونبیچ‌دن چکیلمه‌سی لازیم اولدوغونو بیل‌دیره‌رک، آمریکانین بیله‌رک و یا بیلمه‌یه‌رک کوردلرله ترور تشکیلاتی ی.پ.گ عضولرینی بیر توتدوغونا دقتی چکدی.

سوریه‌نین شمال-شرقینه قورولماسی پلان‌لاش‌دیریلان تهلوکه‌سیز بؤلگه ایله باغلی سوال‌لاری جوابلان‌دیران چاووش اوغلو، آماجین تروریستلره بیر تامپون بؤلگه یاراتماق اولماسی حالیند تورکیه‌نین بونا قارشی چیخاجاغینی سؤیله‌دی.

تورکیه‌نین قایغی‌لارینا خیطاب ائدن بیر تهلوکه‌سیز بؤلگه‌نین تورکیه طرفین‌دن ده دستکلنه‌جگینی بیل‌دیرن ناظیر چاووش اوغلو، تهلوکه‌سیز بؤلگه فیکری‌نین پرزیدنتی رجب طیب اردوغانا عایید اولدوغونو آنجاق داها اوّل، کئچمیش آمریکا پرزیدنتی باراک اوباما رهبرلیگی‌نین بونا یاناشمادیغینی قئید ائتدی.