کالین: "تورکیه-نین دونیانین هئچ بیر بؤلگهسینده گیزلی گوندمی یوخدور"
جمهور باشقانلیغی سؤزچوسو ابراهیم کالین تورکیه-نین دونیانین هئچ بیر بؤلگهسینده بیر گیزلی گوندمی اولمادیغینی بیلدیردی.
جمهور باشقانلیغی سؤزچوسو ابراهیم کالین تورکیه-نین دونیانین هئچ بیر بؤلگهسینده بیر گیزلی گوندمی اولمادیغینی بیلدیردی.
جمهور باشقانلیغی سؤزچوسو ابراهیم کالین تورک امکداشلیق و کووردیناسیون آژانسینین کنفرانس زالیندا کئچیریلن "تیکا آنکارا گؤروشو" پروقرامینین آچیلیشیندا ایشتیراک ائتدی.
کالین بورادا چیخیش ائدهرک، تیکا-نین یالنیز یاردیم تشکیلاتی اولمادیغینی، عینی زاماندا، کؤنوللر آراسیندا کؤرپو قوران، دونیانین هر یئریندکی مظلوملارا صاحب چیخان بیر تشکیلات اولدوغونو دئدی.
تورکیه-نین اوزون ایللردیر پرزیدنت رجب طیب اردوغانین لیدرلیگینده چوخ شاخهلی خاریجی سیاست پرسپکتیوینی حیاتا کئچیرمهیه چالیشدیغینی بیلدیرن کالین اؤلکهنین گئتدیگی هر یئرده قارشیلیقلی فایدالانما سیاستی گوددوگونو وورغولادی.
تورکیه-نی نظره آلمایان هئچ بیر بولگه سل لاییحهنین، سیاستین حیاتا کئچمهسینین و موفقیت قازانماسینین مومکون اولمادیغینی وورغولایان سؤزچو اردوغانین "دونیا بئشدن بؤیوکدور"، "بیز اینسانلارا خیدمت ائتمهیه گلمیشیک" سؤزلری یالنیز تورکیهنین اؤز سیاسی موضعینی ایفاده ائتمدیگینه، عینی زاماندا، دونیایا باخیشینی دا دیله گتیردیگینه دقت چکدی.
کالین بونون ان کونکرت نومونهلرینین تیکا، دیانت ایشلری ایدارهسی، یونوس امره انستیتوسو، خاریجده یاشایان تورکلر و اقربا توپلولوقلار ایدارهسینین فعالیتلرینده گؤرولدوگونه ایشاره ائدهرک، بونلار کیمی خاریجده فعالیت گؤسترن دیگر قوروملارین گئتدیکلری هر یئرده بو گؤروشو حیاتا کئچیرمهیه چالیشدیغینی بیلدیردی.
کالین: "تورکیه-نین دونیانین هئچ بیر بؤلگهسینده بیر گیزلی گوندمی یوخدور. تورکیه آنکارادا نه دئییرسه، ایستانبولدا نه دئییرسه، بالکان اؤلکهلرینده ده، آسیادا دا، افریقادا دا عینیسینی سؤیلهین بیر خاریجی سیاست پرسپکتیوینه مالیکدیر" دئدی.