تورکیه کرکوکده کونسوللوق آچیر
"کرکوک و نجفده باش کونسوللوق آچیلماسی اوچون رسمی طلبیمیزی عراق اورگانلارینا بیلدیردیک"
تورکیهنین بغداد ائلچیی فاتح ییلدیز، عراقین کرکوک و نجف شهرلرینده باش کونسوللوق آچیلماسی اوچون عراق مقاملارینا رسمی مراجعت ائتدیکلرینی بیلدیردی.
ائلچی ییلدیز، عراقین دیگر شهرلری کیمی، کرکوک و نجفین ده تورکیه اوچون اؤنملی اولدوغونا دقت چکهرک،
"چوخ اوزون مدتدن بری پلانلاشدیردیغیمیز آددیمی آتاراق، کرکوک و نجفده باش کونسوللوق آچیلماسی اوچون رسمی طلبیمیزی عراق اورگانلارینا بیلدیردیک. بو مسئله، اولکی ایللرده ده ایکیلی ایلیشکیلرده دایما گوندمده" دئدی.
کرکوکه سون آیلاردا ایکی سفر حیاتا گئچیردیگینی خاطیرلادان ییلدیز،
"گؤروشدوگوم شهرین بوتون عنصورلارینین تورکیهنین اورادا باش کونسوللوق آچما ایستک و آرزوسو واردی. بو (باش کونسوللوق)، کرکوکون بوتون عنصورلارینا چاتاجاق و تورکیهنین کرکوکه اقتصادی، آلت یاپی، تیجارت و دیگر ساحهلردهکی یاتیریملارین تنظیم ائدیلهجگی بیر نمایندهلیک اولاجاق" دئدی.
نجفین اؤنمینه ده توخونان ائلچی ییلدیز،
"نجف، هم عراق، هم ده ایسلام عالمی اوچون اؤنملی مرکزلردن بیری. قونونون دینی و دینی توریزم یؤنو ده وار. ایل بویونجا اؤنملی ساییدا تورک وطنداشلاری بورالارا سیاحت ائدیر. بئله باغلارا صاحب اولدوغوموز یئرلرده ده باش کونسوللوق خیدمتی وئرمهمیز اؤنملی" دئدی.