تورک هاوا یول‌لاری 3 موکافاتا لاییق گؤرولدو

تورک هاوا یول‌لاری (THY) امریکا منشأ‌لی قلوبال نشر اورقانی "Global Traveler"ین تشکیل ائتدیگی و اوخوجولار آراسیندا کئچیریلن آنکت نتیجه‌سینده معین ائدیلن اوچ موکافاتا لاییق گؤرولدو.

1109322
تورک هاوا یول‌لاری 3 موکافاتا لاییق گؤرولدو

تورک هاوا یول‌لاری (THY) امریکا منشأ‌لی قلوبال نشر اورقانی "Global Traveler"ین تشکیل ائتدیگی و اوخوجولار آراسیندا کئچیریلن آنکت نتیجه‌سینده معین ائدیلن اوچ موکافاتا لاییق گؤرولدو.

دونیانین ان چوخ اؤلکه و اولوسلار آراسی دستیناسیاسینا اوچوش رئال‌لاشدیران تورک هاوا یول‌لاری (THY) امریکا منشأ‌لی قلوبال نشر اورقانی "Global Traveler"ین تشکیل ائتدیگی و اوخوجولار آراسیندا کئچیریلن آنکت نتیجه‌سینده معین ائدیلن اوچ موکافاتا لاییق گؤرولدو.

امریکانین کالیفرنیا ایالتینده بورلی هیلز شهرینده کئچیریلن مراسیمده "ان یاخشی تشکیلات‌لی سیاحت پروقرامی" کاتقوری سینده، مشتری‌لر اوچون خصوصی حاضرلانان پروقرام" " Turkish Airlines Corporate Club"ون موکافاتلاندیریلدیغی گئجه‌ده تورک هاوا یول لاری همچنین دالبادال ایکینجی دفعه "بیزنس یولجولاری اوچون ان یاخشی هاوا یولو" و "ان یاخشی هاوا لیمانی پرسنلی" موکافات‌لارینا دا لاییق گؤرولدو.

بو ایل 15-جی دفعه کئچیریلن تدبیرده ایش و تعطیل اوچون سیاحت ائدن 22 مین‌دن چوخ یولجو 80-دن آرتیق کاتقوری ده ان یاخشی فیرمانی معین‌لش‌دیرمک اوچون آنکته قاتیلدی.  

دونیانین ان احاته‌لی و تشکیلات‌لی پروقراملاریندان‌ بیری اولان " Turkish Airlines Corporate Club" عضو‌لرینه ایمتیازلی خیدمت‌لر گؤستریر. همچنین موسسه و تشکیلات‌لار اوچون دییشیک و اویغون خرج‌لرین تقدیم اولوندوغو اوستونلوک‌لر تامین ائدیر.

پروقرام چرچیوه‌سینده عضو‌لر قاتیلیم اوچون پول ویاخود دا تعهد وئرمیرلر. بونونلا یاناشی خصوصی ائندیرم‌لر، باگاژ حاق‌لاری، بیلط آلینماسی زامانی معین آسان‌لیق‌لار کیمی بیر سیرا اوستونلوک‌لر و آیریجا خصوصی یولجو سالونلاریندان‌ ایستیفاده ائتمک کیمی اهمیت‌لی ایمکان‌لار دا الده ائده بیلیرلر.

تورک هاوا یول لاری حاضردا بئش قاره ده 124 اؤلکه‌دکی 300-دن آرتیق نقطه‌یه اوچوش رئاللاشدیریر.

امریکا قاره سینده کی 17 شهری ایستانبول‌دان اوچ ساعت‌دان داها آز مودتده 40-دان آرتیق اؤلکه ایله ارتباط لاندیریر.



ایلگیلی‌لی خبرلر