ناظیر سویلو پاکیستاندا
سولیمان سویلو، تورکیهنین، آمریکانین قارشی چیخماسینا باخمایاراق، سوریهده ترورچولارا قارشی فرات قالخانی و زیتون دالی حرکاتلارینی اوغورلا ایجرا اولوندوغونو بیلدیریب
تورکیه ایچ ایشلر ناظیری سولیمان سویلو، تورکیهنین، آمریکانین قارشی چیخماسینا باخمایاراق، سوریهده ترورچولارا قارشی فرات قالخانی و زیتون دالی حرکاتلارینی اوغورلا ایجرا اولوندوغونو بیلدیریب.
سولیمان سویلو، پاکیستانین باشکندی ایسلام آبادداکی نور خان نیظامی هاوا لیمانیندا، ایچ ایشلر ناظیری شهریار آفریدی و تورکیهنین ایسلام آباد سفیری ایحسان مصطفی یورداکول ایله دیگر رسمی شخصلر طرفیندن قارشیلانیب.
سونرا ناظیر سویلو، آفریدی ایله مقامیندا بیر آرایا گلدی. ناظیرلیگین ایجلاس سالونوندا گئرچکلشن هیاتلر آراسی گؤروشمه، گؤرونتو آلینماسینین آردیندان مطبوعاتا قاپالی داوام ائدیب.
گؤروشمهده سرحد امنیتی، پاکیستانلی پولیسلرین تحصیلی، گوچمن و فتح اللهچی ترور تشکیلاتی داخیل هر جور ترور تشکیلاتییلا بیرگه موباریزه مسئلهلری موذاکیره اولونوب.
داها سونرا تورکیهنین ایسلام آباد سفیرلیگینه گئچن سویلو،کونفرانس سالونوندا تورک سیویل تشکیلاتی نمایندهلری بیر آرایا گلدی.
سویلو، بورادا کئچیردیگی قونوشمادا، سوریهنین شمالیندا ترورچولارا قارشی کئچن ایل فرات قالخانی و بو ایل زیتون دالی حرکاتلارینی رئاللاشدیردیقلارینی وورغولاییب.
سویلو،
"آمریکا بو عملیاتلارا قارشی چیخیب، بسلهدیگی ترورچولارلا بیزی قورخودابیلهجگیلرینی دوشوندو. اولوسلار آراسی بیر محاصیره ائتمه اورتایا قویماغا چالیشدی اما اللها شوکورلر اولسون کی، تورکیه بونو آشدی." دئدی.
آمریکانین تورکیه شمالی عراقدا و سوریهنین عفرین بؤلگهسینده محاصیره ائتمهیه چالیشدیغینی ایفاده ائدن سویلو،
"ایندی بیزی، فرات چایینین شرقینده ده چرچیوهیه سالماغا (محاصیره ائتمهیه) چالیشاجاق. تورکیه بونا دا ایمکان وئرمهیهجک". شکلینده دانیشدی.
سویلو، آمریکانین تورکیهنی سیخیشدیرماغا چالیشما آماجینین،تورکیهنین حرکت قابیلیتینی دارالدماق، چئوره اؤلکهلری ایله قوردوغو موناسیبتی انگللمک، بوتون بؤلگهلرله علاقهلرینی مومکون قدر کسمک اولدوغونو دئدی.