چلیک:" تورکیه بو مسئلهیه حساسلیق ایله یاناشیر"
عدالت و اینکیشاف پارتیسینین سؤزچوسو عمر چلیک امریکانین سوریه-نین قوزیی دوغوسوندا 35-40 مین نفره تعلیم کئچمهسیله باغلی خبرلره تورکیه-نین حساس یاناشدیغینی بیلدیردی.
امریکانین سوریه-نین قوزیی دوغوسوندا 35-40 مین نفره تعلیم کئچمهسیله باغلی خبرلره تورکیه حساس یاناشیر.
بونو عدالت و اینکیشاف پارتیسینین سؤزچوسو عمر چلیک یایدیغی آچیقلامادا بیلدیریب.
چلیک داها اول ترور تشکیلاتی داعش ایله موباریزه ائتمک بهانهسیله باشقا تروریست تشکیلاتلارا یوک ماشینلاری ایله یاردیملار چاتدیریلدیغینی قئید ائدهرک دئییب کی، کئچمیشده عینی سهو آددیملاری افغانیستان-دا آتدیلار. امریکا رسمیلری بوندان درس گؤتورمهلیدیر. باشقا ترور تشکیلاتلاری ایله موباریزه ائتمک اوچون افغانیستان-دا بعضی ترور تشکیلاتلاری دستکلندی، اما بو تشکیلاتلارا نظارت ائتمک مومکون اولمادیغی زامان دونیانین باشینا بلا اولدولار.
سوریه-نین قوزیی - دوغوسوندا 35-40 مین نفره تلیم کئچمکدن دانیشماغین تورکیه جمهوریتی اوچون اوراداکی ترور عنصورلارینا یئنی دستک معناسی داشیدیغینی وورغولایان سؤزجو بیلدیریب کی، تورکیه جمهوریتی دؤولتی قارشیسینداکی گوج کیم اولارسا اولسون میللی تهلوکهسیزلیگینه یؤنلدیلمیش بیر تهدید اولدوغو زامان بونو آرادان قالدیرا بیلمک اوچون درحال آدیم آتاجاقدیر. بوندان هئچ کسین شوبههسی اولماسین.