فواد اوختای:" فرات چایی‌نین دوغوسونا عملیات حاضیرلیق لاری تاماملاندی"

جمهور باشقانی یاردیمجیسی فواد اوختای تورکیه بؤیوک میللت مجلیسی‌نین عمومی ایجلاسیندا کئچیریلن بودجه گؤروش‌لرینده گوندمی قیمتلندیردی.

1104847
فواد اوختای:" فرات چایی‌نین دوغوسونا عملیات حاضیرلیق لاری تاماملاندی"

جمهور باشقانی یاردیمجیسی فواد اوختای تورکیه بؤیوک میللت مجلیسی‌نین عمومی ایجلاسیندا کئچیریلن بودجه گؤروش‌لرینده گوندمی قیمتلندیردی.

"سوریه-ده فرات چایی‌نین دوغوسونا عملیات حاضیرلیق لاری تاماملاندی".

بونو جمهور باشقانی یاردیمجیسی فواد اوختای تورکیه بؤیوک میللت مجلیسی‌نین عمومی ایجلاسیندا کئچیریلن بودجه گؤروش‌لرینده سؤیله‌دی.

سوریه سرحدینده تروریست عنصورلاری تمیزلمک اوچون قرارلی لیق اولوناجاغینا دایر آچیقلاما وئرن اوختای  بیلدیردی کی، امریکا ایله دیپلوماتیک یول‌لاری آخیراده ک تجروبه ائدیریک. آنجاق بو یول‌لارین اؤلکه‌میزین باشینی قاتماق تاکتیکاسینا چئوریلمه‌سی، جناب جمهور باشقانیمیزین سؤزلریله بیزی بیر داها "اؤز گؤبییمیزی اؤزوموزون کسمه‌سینه" مجبور ائده‌جک‌دیر. بونونلا باغلی بوتون حاضرلیق‌لاری گؤرموشوک.

سوریه-نین قوزیی ینده ترور تشکیلاتی ی.پ.گ/پ.کا.کا-نی یئرلش‌دیرن امریکایا سس‌لنن اوختای "خصوصیله ی.پ.گ/پ.کا.کا و فتح الله چی ترور تشکیلاتی (فتو) مسئله سینده گئتدیکجه درینلشن فرق‌لی یاناشما‌لارا صاحیب اولدوغوموزو گؤروروک. قارشیمیزدا اؤلکه‌میزین ترور تشکیلات‌لاری آپاردیغی موباریزه‌سینه حؤرمت گؤسترن و دستک وئرن بیر امریکا گؤرمک ایستییریک" دئیه ایفاده ائتدی.

اوختای فرانسا-دا 4-جو هفته‌دیر داوام ائدن اعتراض اوکسیا‌لاری و پولیسین زوراکی‌لیغینا دقت چکه‌رک باتییا دئدی کی،

سون هفته‌لرده پاریس باشدا اولماقلا موختلیف آوروپا شهرلرینده اورتایا چیخان گؤرونتولر باتی نین بو مسئله ده کی ضدیت‌لرینی و ایکی‌لی ایستاندارت‌لارینی اورتایا قویموش‌دور.

دوغو آغ دنیزینده یونانیستان و قیبریس روم ایجماسی طرفیندن تک طرف‌لی انرژی آختارما فعالیت‌لری مسئله‌سینه ده توخونان فواد اوختای بیلدیردی کی، تورکیه قیبریس-دا، اگه و دوغو آغ دنیزینده کی هیدروکربن منبع‌لری مسئله‌سینده منفعت‌لریندن کیچیک ده اولسا گذشته گئتمه‌یه‌جک. خصوصیله آوروپا بیرلیگی طرفیندن عزیزلنن یونانیستان و قیبریس روم ایجماسی اؤلکه‌میز و قیبریس تورک‌لری‌نین علیهینه آتماغا جهد گؤستردیگی آددیم‌لارا قطعیت لی اولا‌راق ایجازه وئریلمه‌یه‌جک‌دیر.



ایلگیلی‌لی خبرلر