چاووش اوغلو: "بیز بونا گؤز یوما بیلمریک"
چاووش اوغلو بیلدیردی کی، اگر امریکانین مقصدی ی.پ.گ-یه تعلیم کئچمکدیرسه بو سون درجه سهودیر و بؤلگهیه ائدیلن خیانتدیر. بیز بونا گؤز یوما بیلمریک.
خاریجی ایشلر ناظیری مولود چاووش اوغلو واندالیزمین ده، آشیری سویهده گوجدن ایستیفاده اولونماسینین دا علیهینه اولدوقلارینی سؤیلهدی.
مولود چاووش اوغلو پایتاخت آنکارادا اصلاحات عملیاتی قروپونون نوبتی توپلانتیسینا قاتیلدی.
ناظیر چاووش اوغلو توپلانتیدان سونرا کئچیریلن مطبوعات کنفرانسیندا فرانسادا باشلاییب بعضی آوروپا اؤلکهلرینه ده یاییلان اعتراضلارا و پولیس شدتینه توخوناراق، واندالیزمین ده، آشیری سویهدن گوجدن ایستیفاده ائدیلمهسینین ده علیهینه اولدوقلارینی سؤیلهدی.
تورکیه وطنداشلارینین آوروپا اؤلکهلرینه ویزاسیز سیاحتی مسئلهسینه ده توخونان چاووش اوغلو بیلدیردی کی، وطنداشلاریمیزین آوروپایا ویزاسیز سیاحت ائتمک حاقیدیر. حاقسیز اولان ویزا رژیمینین لغوی اوچون فعالیتلریمیزی داوام ائتدیریریک.
اکتبرین 2-ده سعودیه عربیستانینین ایستانبول باش کونسوللوغوندا وحشیجهسینه قتله یئتیریلن جمال خاشقچی جینایتینه ده موناسیبت بیلدیرن چاووش اوغلو: "عدالتین یئرینه یئتیریلمهسی اوچون جهدلریمیز داوام ائدیر. یئنی دلیللر و سندلر اورتایا چیخیر، بونلاری بؤلوشوروک. سعودیه عربیستانیدان ایندیدک امکداشلیق اوچون آددیم آتیلدیغینی گؤرمهدیک. اما بو جینایتین ایشیقلاندیریلماسی بوتون اولوسلار آراسی توپلومون گؤزلنتیسیدیر. بعضی ایستکلریمیزه رد جاوابی وئریلدی. آرژانتین-ده کئچیریلن G-20 توپلانتیسی زامانی بیر چوخ همکاریملا بو جینایتله باغلی اولاراق بیرگه مراجعت ائتمه ایرادهسی اورتایا قویولدو" دئیه وورغولادی.
امریکانین سوریه-نین قوزیی ینده ترور تشکیلاتی ی.پ.گ/پ.کا.کا-یا تامین ائتدیگی دستک بارهده ایسه چاووش اوغلو بیلدیردی کی، اگر امریکانین مقصدی ی.پ.گ-یه تعلیم کئچمکدیرسه بو سون درجه سهودیر و بؤلگهیه ائدیلن خیانتدیر. بیز بونا گؤز یوما بیلمریک.