جمهور باشقانی اردوغان پاراگوئه لیدری ایله گؤروشدو

جمهور باشقانی رجب طیب اردوغان ایله پاراگوئه دؤولت باشچی‌سی ماریو عبدو بنیتز ایکی اؤلکه آراسینداکی دیپلوماتیک علاقه‌لرین گئتدیکجه گوجلندیگینی بیلدیردی‌لر.

ایکی لیدرین پایتاخت آسونسون-‌داکی تاریخی حکومت بیناسی لوپز ساراییندا تک به تک و هئیت‌لر آراسینداکی گؤروشون‌دن سونرا مطبوعاتا آچیقلاما وئریلدی.

آچیقلامادا بنیتز تورکیه-‌دن ایلک دفعه بیر جمهور باشقانی‌نین اؤلکه‌سینی زیارت ائتدیگینی بیل‌دیره‌رک، سفره وئردیگی اهمیتی دیله گتیردی.

آچیقلامادا قئید ائدیلیب کی، جمهور باشقانلاری ایکی اؤلکه آراسینداکی دیپلوماتیک علاقه‌لرین گئتدیکجه گوجلندیگینی، بو چرچیوه‌ده آنکارادا و آسونسون-دا قارشی‌لیق‌لی اولا‌راق دیپلوماتیک نماینده‌لیک‌لرین آچیلما پروسه سی‌‌نین داوام ائتدیگینی و تورکیه جمهوریتی‌نین پاراگوئه حکومتی یانینداکی ایلک سفیری آرماغان اینجی ارسویون تعیین ائدیلمه‌سیله اؤلکه‌لر آراسینداکی دیپلوماتیک علاقه ‌لرین اینکیشافیندان دویدوق‌لاری ممنونیتی دیله گتیردی‌لر. همچنین "تعلیم، مدنیت، علم و تکنولوژی، گنج‌لیک و ایدمان ساحه‌لریندکی امکداش‌لیق چرچیوه سازیشی ایله "دیپلوماتیک تعلیم ایله علاقه‌لی راضیلاشما متنی نین یاخین زاماندا ایمضالانماسی باره‌ده راضیلاشیلدی. ایکی طرف‌لی تیجارت علاقه‌لری‌نین اینکیشافی‌نین داشیدیغی اهمیت باره‌ده راضی‌لاشان لیدرلر سرمایه قویولوش‌لاری‌نین قارشی‌لیق‌لی اولا‌راق آرتیریلماسینا وئردیک‌لری اهمیته توخوندولار.