اردوغان: روسیا ایله اوکراینی یان-یانا گؤرمکدن ممنون اولاجاغیق
وورغولایان اردوغان، "بو ایکی اؤلکهنین اینسانلارینین یئنی تاریخی کئچمیشلرینه قاییتمالاریندا فایدا گؤروروک" دئدی.
تورکیه جمهور باشقان رجب طیب اردوغان، روسیا ایله اوکراینی قارشی-قارشییا یوخ، یان-یانا گؤرمکدن ممنون اولاجاقلارینی دئییب
اردوغان، گنل باشقانی اولدوغو عدالت و قالخینما پارتیسینین (آک پارتی) تورکیه بؤیوک میللت مجلیسینده کئچیریلن قروپ توپلانتیسیندا گوندهلیگه دایر قیمتلندیریردی.
چیخیشیندا روسیا و اوکراین آراسینداکی گرگینلیگه توخونان اردوغان، بو دورومدانوزونتو دویدوقلارینی بیلدیرهرک،
"هر ایکی اؤلکه ایله ده یاراتدیغیمیز علاقه گلهجهیه داشیماق اومیدیندییک. قارا دنیزین بیر آن اوّل باریش دنیزی حالینا گلمهسینی آرزولاییریق. روسیا و اوکراین'ا پروبلملرینی دیالوق یولویلا حلّ ائتمک چاغیریشیمیزی تکرار ائدیریک" دئدی.
تورکیه اولاراق روسیا و اوکراینا یاناشی گؤرمکدن ممنونلوق دویاجاقلارینی وورغولایان اردوغان،
"بو ایکی اؤلکهنین اینسانلارینین یئنی تاریخی کئچمیشلرینه قاییتمالاریندا فایدا گؤروروک" دئدی.
25 نوامبردا، آزاک دنیزینده، روس ساواش گمیلری ایله اوکراین ساواش گمیلرینین قارشی-قارشییا گلدیگی قئید ائدیلمیش، روس سو سرحدلرینه داخیل اولدوغو ادعاسی ایله روسیایا مخصوص ساواش گمیلری اوکراین ساواش گمیلرینه موداخیله ائتمیشدی.
اوکراین دنیز گوجلری قوموتانلیغی، آزوو دنیزیندکی کرچ بوغازی یاخینلیغیندا، روسیا فدرال امنیت خیدمتینه عایید سرحد امنیتی گمیسیندن اوکراین ساواش گمیلرینه آتش آچیلدیغینی و 6 اوکراین عسگرینین یارالاندیغینی ائشیدیرمیش، گمیلرین روسیا خصوصی گوجلری طرفیندن اله کئچیریلدیگی آچیقلانیب.