چاووش اوغلو:"باش ساووجینین آچیقلامالاری قانع ائدیجی دئییل"
تورکیه سعودیه عربیستانی باش ساووجیلیغینین جمال خاشقچی جینایتیله علاقهلی آچیقلامالارینین قانع ائدیجی اولمادیغینی بیلدیردی.
تورکیه سعودیه عربیستانی باش ساووجیلیغینین جمال خاشقچی جینایتیله علاقهلی آچیقلامالارینین قانع ائدیجی اولمادیغینی بیلدیردی.
خاریجی ایشلر ناظیری مولود چاووش اوغلو آنتالیانین آلانیا قصبهسینده همین مسئله ایله باغلی آچیقلاماسیندا بیلدیریب کی، باش ساووجی آچیقلاما وئرمهدن اول سعودیه عربیستانی-نین خاریجی ایشلر ناظیری عادل الجبير منه زنگ ائتدی، یاریم ساعت سونرا باش ساووجینین بو آچیقلامانی وئرجگینی اولدن منه بیلدیردی، دئدی.
سعودیهلی باش ساووجینین آچیقلامالارینین قانع ائدیجی اولمادیغینی وورغولایان چاووش اوغلو"خاشقجینین جسدی هارادادیر؟ تعلیمات وئرنلرین، بو ایشه گئرچک جلب ائدنلرین اورتایا چیخماسی لازیمدیر، بو پروسه بو طرز باشا چاتدیریلمامالیدیر. پروسهسی تعقیب ائدجییک. 11 نفر یاخالاندیغینی باشا دوشوروک. داها اول 18 نفر توتولموشدو. 11 نفردن بئشینین اعدامی ایستنیردی. دیگرلری نه اوچون آزادلیغا بوراخیلدی؟ بو شخصین اؤلکهسینه گئری آپاریلماسی قارشیسیندا مقاومت گؤستردیگی اوچون اؤلدورولدوگو سؤیلنیر، حالبوکی اولدن پلانلاشدیریلیب. جسدین پارچالانماسی او آنلیق بیر ایش دئییل. اولدن اؤلدورولوب پارچالانماسی اوچون لازیم اولان ماتئریاللار کونسوللوغا گتیریلیب"-دئیه قئید ائدیب.
قئید ائدک کی، جمال خاشقجی اکتبرین 2-ده ائولیلیک اوچون سندلشدیرمه ایشلری اوچون گئتدیگی سعودیه عربیستانینین ایستانبول باش کونسوللوغوندا قتله یئتیریلیب.