سویلو: "دنیزلرین کامئرا و رادار سیستمی ایله ایزلنه نه جک"
ایچ ایشلر ناظیری سلیمان سویلو دنیزلرین کامئرا و رادار سیستمی ایله ایزله‌نه‌جگی بیر پروژه حاضیرلادیقلارینی آچیقلاییب.
ایچ ایشلر ناظیری سلیمان سویلو دنیزلرین کامئرا و رادار سیستمی ایله ایزله‌نه‌جگی بیر پروژه حاضیرلادیقلارینی آچیقلاییب.
ناظیر آفیون کوجاتپه اونیورسیته سینین تدریس ایلی‌نین آچیلیش مراسیمینده ائتدیگی چیخیشدا سرحد تهلوکه‌سیزلیگینه توخونا‌راق دئییب کی، اژه، آغ دنیز و قارا دنیزین کامئرا و رادار سیستمی ایله ایزلنه‌جک پروژه نین بیر حیسه‌سی باشا چاتدی. بو بؤلگه‌لری کامئرا و رادار سیستمی ایله دونیادا دئمه‌لی هئچ بیر اؤلکه‌ده اولمایان بیر تکنولوژی ایله ایزله‌یه‌جییک.
ترورلا موباریزه مسئله سینده ایسه ناظیر سویلو دئییب کی، حیاتا کئچیریلن اوغورلو عملیات‌لارلا تروریست ساییندا جدی آزالما اولدو. تورکیه سلاح‌لی قوه‌لری ترورو منبع ینده آشکارلاییب محو ائده‌جک شکیلده بیر تاکتیک تطبیق ائدیر.
امریکانین ترور تشکیلاتی پ.کا.کا-نین قولدورباشلاریندان 3 تروریستین باشینا موکافات قویماسینا دا توخونان سویلو "ایستراتژی طرفداشیمیز 3 تروریستی سیاهییا داخیل ائدرکن، دیگر طرف‌دن سوریه، عراق جبهه‌سینده پ.کا.کا ایله بیرلیکده "نفتین 25 فایزی منیم اولا‌جاق، 75 فازی سنین اولا‌جاق" بازارلیغینی ائدن‌لردیر. بو ریاکارلیق‌دیر، صمیمیت سیزلیک‌دیر. امریکانین هارادا، هانسی گون، کیمینله امکداش‌لیق ائتدیگی ده معلوموموزدور" دئییب.
ایلگیلی‌لی خبرلر
پ‌کاکا عضوو ۲ تروریست ضررسیز حالا گتیریلدی
چاتیشما سونراسیندا قاچابیلمه‌یه‌جگینی آنلایان تروریستلر ماشینلا بیرگه اؤزلرینی پاتلاتدی
