تورکیه-‌نین میللی مودافعه ناظیری یونانیستانا بیر داها خبردارلیق ائتدی

تورکیه-‌نین میللی مودافعه ناظیری حولوصی آکار تورکیه بؤیوک میللت مجلیسی پلان و بودجه کمیسیونوندا ناظیرلیگین بودجه‌سی‌نین تقدیماتیندا چیخیش ائتدی.

تورکیه-‌نین میللی مودافعه ناظیری حولوصی آکار تورکیه بؤیوک میللت مجلیسی پلان و بودجه کمیسیونوندا ناظیرلیگین بودجه‌سی‌نین تقدیماتیندا ائتدیگی چیخیشدا دئییب کی، قیبریس، اژه و دوغو آک دنیزینده "تورکیه-‌یه رغمن" آتیلا‌جاق آددیما ایجازه وئریلمه‌یه‌جک. قارشی طرف اژه و آک دنیزینده تورکیه و قوزیی قیبریس تورک جمهوریتی‌نین یئر آلمادیغی بیر لاییحه‌نین اوغورلو اولمایاجاغینا بیلمه‌لی‌دیر و بؤلگه‌نی تهلوکه ایله اوزلش‌دیره‌جک تخریباتچی‌لیق‌دان ال چکمه‌لی‌دیر.

آکار تورکیه سلاح‌لی قوه‌لری‌نین اژه و دوغو آک دنیزینده تورکیه-‌نین و قوزیی قیبریس تورک جمهوریتی‌نین حاق و منفعت‌لرینی قوروماغا، قیبریس آداسیندا اولوسلار آراسی ضمانت و اتفاق آنلاشما‌لاری ایستیقامتینده باریش و تهلوکه سیزلیگین ضمانتچی‌سی اولماغا داوام ائدجگینی وورغولاییب.