تورکیه‌نین ایلک میللی قازما گمی‌سی آک دنیزده
تورکیه-نین میللی قازما گمی‌سی "فاتح" آک دنیزده ایلک قازما ایشی اوچون حرکت ائدیب.
تورکیه-نین میللی قازما گمی‌سی "فاتح" آک دنیزده ایلک قازما ایشی اوچون حرکت ائدیب.
انرژی و طبیعی ثروت‌لر ناظیری فاتح دؤنمز "فاتح" گمی‌سی‌نین آپاراجاغی ایلک درین دنیز قازما ایشی اوچون کئچیریلن مراسیمده چیخیش ائدیب.
تورکیه-نین تاریخینده بیر ایلک یاشاندیغینی قئید ائدن ناظیر دئییب کی، "فاتح" گمیمیزله اوزون زامان‌دیر امک صرف ائتدیگیمیز انرژی ده یئرلی اولما حمله‌سی‌نین ان بؤیوک آددیمینی آتا‌راق، ایلک دفعه اؤز گمیمیزله درین دنیزده قازما ایشینی گؤروروک. داها اول بارباروس خیرالدین پاشا گمی‌سیله سیسمیک آراشدیرما‌لار آپاریلدی و متخصص‌لر آنالیزلری تقدیم ائتدی‌لر. بونون نتیجه‌سینده قرار وئریلن "آلانیا-1" قویوسو ایله فعالیت‌لره باشلاییریق. انرژی تداروکونده تهلوکه سیزلیگیمیزی آرتیرا‌جاق بو آددیمین خیرلی اولماسینی دیلییرم.
ناظر "فاتح" گمی‌سی‌نین 6-جی نسیل یوکسک سویه‌لی تکنولوژی یه صاحب گمی اولدوغونو و فعال یئرلشدیرمه سیستمی سایه‌سینده 6 متر هوندورلوک‌ده کی دالغا بویوندا بئله ثابت قالا‌راق فعالیت‌لرینی داوام ائتدیره بیلدیگینی بیلدیرب.
انرژی و طبیعی ثروت‌لر ناظیری فاتح دؤنمز بوتون عملیات‌لارین اولوسلار آراسی اساس‌لارا اویغون حیاتا کئچیریله جگینی، قازما فعالیت‌لری زامانی چئوره یه، دنیز حیاتینا و جان‌لی‌لارا هئچ بیر ضرر وئرمه‌ین اکولوژی دوستو تکنولوژی لردن ایستیفاده ائدیله جگینی سؤیله‌ییب.
دؤنمز ایلک قازما ایشی‌نین 150 گونه یاخین اولاراق پلانلاشدیریلدیغینی بیل‌دیره‌رک، هدف‌لری‌نین بو قازما گمی‌سیله ایلده اورتا حسابلا 2 نفت قویوسو آچماق اولدوغونو قئید ائدیب.
ناظیر "فاتح" گمی‌سینه دنیز قوه‌لری و ساحل محافظه خیدمتی‌نین موشاییت ائتدیگینه دقت چکه‌رک "هر هانسی تهلوکه‌سیزلیک ریسکی یوخ‌دور، اما ناراحات ائدن اولسا دنیز قوه‌لریمیز لازیم اولانی یئرینه یئتیره‌جک‌دیر" دئیه بیلدیریب.
