ایستانبول یئنی هاوا لیمانی آچیلیر

جمهور باشقانی رجب طیب اردوغان طرفیندن 29 اکتبردا ایلکین مرحله‌سی خیدمته آچیلان ایستانبول یئنی هاوا لیمانی سیستئمده ISL آدی ایله یئر آلیر. ایلک اوچوش 1 نوامبردا باشلایا‌جاق.

1077705
ایستانبول یئنی هاوا لیمانی آچیلیر

ایستانبول یئنی هاوا لیمانی 29 اکتبر بازار ارته سی گونو جمهور باشقانی رجب طیب اردوغانین ایشتیراکی ایله آچیلاجاق.

76.5 میلیون متر مربع ساحه ده اینشا اولونان ایستانبول یئنی هاوانی نین ایلک مرحله سی نین آچیلیشی اوچون 6 میلیون یورو سرمایه قویولوب.

هاوا لیمانی نین دیگر مرحله لری ده یولجو آرتیشینا باغلی اولاراق 2023-جی ایلده باشا چاتاجاق.

هاوا لیمانی تاماملاندیغنیدا 6 موستقیل پیستی، 500 اوچاق پتانسیلی، 70 مین ماشین توتوملو آچیق و قاپالی پارک یئری و ایللیک 200 میلیون یولجو پتانسیلی ایله دونیانین ان بویوک هاوا لیمانی اولاجاق.

آچلیشینا چوخلو سایدا خاریجی قوناغین دا ایشتیراک ائتمه سی گوزلنیلن هاوا لیمانییندا تورک هاوا یول لاری ایچ خط لرده اکتبرین 30-دا آنکارا-دان، نوامبرین بیرینده آنتالیا-دان و نوامبرین 2-ده ده ایزمیردن ایلک اوچوش حیاتا کئچیریله جک.  

خاریجه ایلک سفرلر ایسه نوامبرین بیرینده قوزیی قیبریس تورک جمهوریتینه و نوامبرین 8-ده آذربایجانا اولاجاق.

هاوا لیمانی 250 هاوا یول شیرکتینه خدمت گوستره جک.

تهلوکه سیزلیگی یوکسک سویه ده اولان و سون تکنولوژی لر ایله تامین اولونان یئنی هاوا لیمانیندا ایلک دفعه یئر رادارلاردان ایستیفاده اولونوب.

 



ایلگیلی‌لی خبرلر