اردوغان: جمال قاشیقچی جینایتی شوبهه‌لرینی ایستانبولدا موحاکیمه ائدک

پرزیدنت و عدالت و قالخینما پارتیسی (آک پارتی) باشقانی رجب طیب اردوغان پارتی‌سی‌نین تورکیه بؤیوک میللت مجلیسی‌نین قروپ توپلانتی‌سیندا بیلدیریب

1074056
اردوغان: جمال قاشیقچی جینایتی شوبهه‌لرینی ایستانبولدا موحاکیمه ائدک

تورکیه جمهور باشقانی رجب طیب اردوغان، سعودی عربیستانی رهبرلیگینه مراجعت ائده‌رک،

جمال قاشیقچی جینایتی شوبهه‌لرینی ایستانبولدا موحاکیمه ائدک" دئدی.

پرزیدنت و عدالت و قالخینما پارتیسی (آک پارتی) باشقانی رجب طیب اردوغان پارتی‌سی‌نین تورکیه بؤیوک میللت مجلیسی‌نین قروپ توپلانتی‌سیندا بیلدیریب.

اردوغان چیخیشیندا سعودی عربیستانین باش کونسوللوغوندا اؤلدورولدوگو دقیق‌لشن سعودی ژورنالیست جمال قاشیقچی جینایتیله باغلی اطراف‌لی قیمتلندیرمه آپاریب.

حادیثه اولین‌دن سونونا قدر تدقیق ائدیلدیکده جینایتین پلان‌لی بیر تشکیلات چرچیوه‌سینده باش وئردیگی‌نین آنلاشیلدیغینی بیل‌دیرن اردوغان، جمال قاشیقچی-نین کونسوللوغا گئتمه‌سین‌دن اوّل، سعودی عربیستان‌دان ژنرال‌لار، عدلی طیب اوزمانلاری و کشفیاتچی‌لاردان قورولان15 نفرلیک بیر قروپون کونسوللوغا گیردیگینی، پلان‌لی بیر جینایتین ایشلندیگینی، سونرا دلیل‌لرین آرا‌دان قالدیریلماغا چالیشیلدیغینی وورغولادی.

اردوغان، سعودی عربیستانی حکومتی‌نین اوّل قاشیقچی-نین اؤلدورولدوگو ادعا‌لارینی رد ائتدیگینی آنجاق اورتایا چیخان دلیل‌لرله جینایتی قبول ائتمک مجبوریتینده قالدیغینی ایفاده ائتدی.

اردوغان،

"دلیل‌لر قاشیقچی-نین وحشی بیر جینایته قوربان گئتدیگینی گؤستریر. گیزلی قالماسی بشریت ویجدانینی یارالایا‌جاق. سعودی عربیستانی رهبرلیگی جینایتی قبول ائده‌رک اهمیت‌لی بیر آددیم آتیب" دئدی.

سعودی عربیستان کرالی سالمان بن عبدالعزیز، حادیثه‌یه قاریشدیغی بیل‌دیریلن 18 نفرین حبس اولوندوغونو ایفاده ائتدیگینی بیل‌دیرن اردوغان،

"بو گون بورا‌دان مراجعت ائدیرم؛ مراجعتیم کرال و اوست رهبرلیگه. حادثه‌نین جریان ائتدیگی یئر ایستانبول‌دور. 18 محبوسون موحاکیمه اولونماسی‌نین ایستانبولدا کئچیریلمه‌سینی تکلیف ائدیرم" دئدی.

جینایتله باغلی سوال ایشاره‌لرینه ده توخونان اردوغان،

"بو 15 نفر قتل گونو ایستانبولدا توپلانمیش‌دیر. بو آدام‌لار کیم‌دن امر آلا‌راق اورایا گلمیش‌دیر، باش کونسوللوق بیناسی نیه درحال دئییل ده نیه گون‌لر سونرا آراشدیرماغا آچیلیب، جینایت آشکار بیر چوخ اساس‌سیز آچیقلاما سبب اولموش‌دور، جسد نه اوچون هله ده اورتادا یوخ‌دور، جسدین یئرلی ایش بیرلیکچی وئریلدیگی ایفاده‌سی دوغرودورسا بو یئرلی طرفداش کیم‌دیر؟ آدی بیر آدام دمیر کی، بون‌دان. بو یئرلی طرفداشی ائتمه‌یه مجبورسان. کیمسه سوال‌لاری جوابلاندیرما‌دان مسئله‌نین باغلانیلاجاغینی آغلین‌دان کئچیرمه‌سین. امنیت اورقان‌لاری‌نین الینده معلومات حادیثه‌نین پلان‌لی اولدوغونا ایشاره ائدیر. بئله بیر مسئله، بیر نئچه امنیت و کشفیات امکداشی‌نین اوزرینه ییخماق توپلومو قانع ائتمیر. کرال سالمانین سمیمیتین‌دن شوبهه دویمویوروم. تورکیه اولا‌راق مسئله‌نین سونونا قدر داوامچی‌سی اولاجاغیق" شکلینده دانیشدی.



ایلگیلی‌لی خبرلر