امریکا تورکیه-نین ادعالارینا جاواب وئردی
ژنرال وتل امریکا مودافعه ناظیرلیگیله (پنتاگون) تل کنفرانسلا علاقه ساخلایاراق اؤلکهسینین اورتا دوغوداکی عملیاتلارینی دیرلندیریب.
امریکانین مرکزی قوهلر (CENTCOM) قوموتانی ژنرال جوزف وتل تورکیه ایله سوریه-نین منبیچ بؤلگهسیله علاقهلی الده ائدیلن یول خریطهسی چرچیوهسیندکی مسئولیتلرینه صادق اولدوقلارینی و حیاتا کئچیریلمهسی موضوع سوندا گؤزلدیکلری نقطهده اولدوقلارینی ایرهلی سوروب.
ژنرال وتل امریکا مودافعه ناظیرلیگیله (پنتاگون) تل کنفرانسلا علاقه ساخلایاراق اؤلکهسینین اورتا دوغوداکی عملیاتلارینی دیرلندیریب.
ژورنالیستلردن بیرینین منبیچله علاقهلی یول خریطهسینین مقصدلریندن بیرینین اورانی ترور تشکیلاتی ی.پ.گ/پ.کا.کا-دان تمیزلمک اولدوغونو، آنجاق بونون هله ده رئاللاشمادیغینی خاطیرلاداراق، امریکانین بونو نه زامان حیاتا کئچیرجگی سوالینا جاوابن وتل دئییب کی، منبیچ یول خریطهسیله علاقهلی دوزگون یولدا اولدوغوموزو فیکیرلشیرم. بو تقویملرین شرطلردن آسیلی اولاجاغینی وورغولادیق. هامیسی اولماسا دا ی.پ.گ-نین اکثریتی شهردن چیخاریلیب. تورکیه ایله اورتاق گشت لر اوچون ایشلییریک. تعلیم چیلرین تعلیملرینه باشلاندی، گشت ده ایشتیراک ائدهجک قوهلرین تعلیملری اوچون ایسه حاضیرلیقلار گؤرولور.
"آنادولو" خبر آژانسی نین موخبیرینین جمهور باشقانی سؤزچوسو ابراهیم کالین ین سراغا گونو وئردیگی بیاناتی خاطیرلاداراق "منبیچ یول خریطهسی 90 گون عرضینده حیاتا کئچیریلمهلیدیر، آنجاق هله اورتاق نظارت فعالیتلری بئله باشلاماییب. بو لنگیمهنین مسئولیتلیسی کیمدیر؟ تورکیه-می، امریکا می" سوالی قارشیسیندا وتل بیلدیریب کی، هئچ کس مسئول دئییل. بو، راضیلاشمانین شرطلردن آسیلی تطبیق ائدیلمهسیدیر. بو موضوع دا ان باشیندان بریدیر آچیق اولدوق و ایرلیلییریک.
"کئچن مودت نظره آلیندیقدا امریکانین تورکیه ایله قبول ائتدیگی راضیلاشما چرچیوهسیندکی مسئولیتلرینه ده هله ده صادق اولدوغونو سؤیلهیه بیلرسینیزمی؟" سوالینا ایسه وتل "قطعیت ایله راضیلاشمایا صادق اولدوغوموزو سؤیلهیه بیلریم" دئییب.