اردوغان ایله پوتین ین گؤروشمه سی باشلاییب
اردوغان، روسیا پرزیدئنتی ولادیمیر پوتین ایله کئچیره‌جک‌لری بیرگه آچیقلامانین سوریه نین ایدلیب بؤلگه سینه یئنی بیر اومید گتیرجگینی سؤیله‌دی
جمهور باشقانی رجب طیب اردوغان، روسیا پرزیدئنتی ولادیمیر پوتین ایله کئچیره‌جک‌لری بیرگه آچیقلامانین سوریه نین ایدلیب بؤلگه سینه یئنی بیر اومید گتیرجگینی سؤیله‌دی.
سون 10 گونده ایکینجی دفعه بیر آرایا گلن اردوغان ایله پوتین ین روسیانین سوچی کندینده پرزیدنت ایقامتگاهین‌دکی گؤروشمه باشلاییب.
گؤروش اؤنجه‌سی قیسا بیر آچیقلاما ائدن اردوغان،
سیاسی، نیظامی، ایقتیصادی بیر چوخ مسئله‌لرده فیکیر موبادیله‌لریمیز بیر-بیریمیزی گوجلن‌دیره‌جک اؤلچوده‌دیر. حاضیردا دونیانین گؤزو سوچی ده. بورا‌دان چیخا‌جاق اورتاق بیر آچیقلاما بؤلگه‌یه یئنی بیر اومید گتیره‌جک" دئدی.
روسیا پرزیدنتی پوتین ده،
گؤروشه جگیمیز چوخ مسئله وار. بعضی‌لری کومپلئکس مسئله‌لر. بون‌لاری هم نظردن کئچیرجگیک، هم ده بون‌لارین حلّی یول‌لارینی آختاراجاغیق." دئیه دانیشدی.
پوتین، (تورکیه ایله) علاقه‌لریمیز مثبت شکیلده اینکیشاف ائدیر، تیجارت کیمی اولدوقجا آشیری تئمپده بؤیوگور. بؤلگه امنیتی باخیمین‌دان دا علاقه‌لریمیز اینکیشاف ائدیر. همچینین گئنیش میقیاسدا اولوسلار آراسی سیاسته قارشی دا علاقه‌لریمیز اینکیشاف ائدیر" ایفاده‌لرینی ایستیفاده ائتدی.
گؤروشمه ده ایکی لیدر، سوریه نین ایدلیب بؤلگه‌سینده باش وئرن سون پروسه‌لری اله آلیر.
اردوغان پوتین گؤروشمه سینده ایدلیبده احتیمال اولونان سالدیری نین یاراداجاغی گؤچ دالغاسی، بؤلگه‌دکی تورک عسگری‌نین امنتی، سیاسی حلّ تلاش‌لاری کیمی مسئله‌لرین ماسادا اولماسی گؤزلنیلیر.
گؤروشمه ده بؤلگه دکی سون پروسه لرله یاناشی ایقتیصاد و انرژی مسئله‌لری ده موذاکیره اولونور.
بو گؤروشمه، 26 سپتامبردا بیرلشمیش میللت‌لر تشکیلاتی‌نین باش مجلیسینده باش وئره‌جک سوریه موضوعسوندا توپلانتی عرفه‌سینده ده بؤیوک اهمیت داشیییر.
اردوغان، پوتین ایله ان سون اوچلو ذیروه اؤنجه‌سی، سپتامبرین 7-سینده ایرانین پایتختی تهراندا ایکیطرف‌لی گؤروشمه کئچیرمیشدی.
ایلگیلی‌لی خبرلر
هاکان فیدان هلندین باش ناظیری ایله گؤروشوب
قطرده‌کی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب
