چاووش‌اوغلو: واشنگتون اوچون قرار وئرمه زامانی
"تورکیه سرحدینین بیر نئچه کیلومتر اؤته‌ده یپگ گوج‌لرینین سوریه‌ده فعالیت گؤسترمه‌سینین ساوونولاجاق هئچ بیر یانی یوخدور"
خاریجی ایشلر باخانی چاووش‌اوغلو، بؤلوجو ترور هؤرگوتو یپگ/پ‌کاکانین، سوریه‌ده، تورکیه سرحدینین بیر نئچه کیلومتر اؤته‌سینده فعالیت گؤسترمه‌سینین ساوونولاجاق هئچ بیر طرفی اولمادیغینی بیلدیردی،
"واشنگتون اوچون بؤلگه‌ده گرچک متفیقینین کیم اولدوغونا قرار وئرمه زامانی" ایفاده‌سینی ایشلتدی.
مؤولود چاووش‌اوغلونون، نیویورک تایمز قازئته‌سی ائدیتورونا خطابا "سوریه‌ده چیخان فاجعه" باش‌لیغی ایله قله‌مه آلدیغی آچیق مکتوب یاییملاندی.
باخان چاووش‌اوغلو، نیویورک تایمزدا ۹ سپتامبردا یئر آلان "سوریه‌ده قورخونج فینال میدانا چیخیر" باش‌لیق‌لی خبرین، سوریه‌ده بشار اسد رژیمی طرفین‌دن مخالیفلرین گوج‌لو اولدوغو سون بؤلگه‌یه قان‌لی بیر عملیات ائدیلدیگینه دقت چکمه‌سی باخیمین‌دان حاق‌لی اولدوغونو قید ائتدی.
بیرلشمیش میلتلردن بیر یئتکیلینین، بو عملیاتین مینلرجه اینسانا گئده‌جک هئچ بیر یئر قویمایاجاغی و "۲۱.جی عصرین ان بؤیوک جان ایتکی‌سینه یول آچاجاغی" اؤن‌گؤروسونو خاطیرلادان چاووش‌اوغلو، بئله داوام ائتدی:
"آنجاق بو مقاله قورخونج باشقا بیر گلیشمه‌نی گؤرمور. اسدین سالدیریلار ائدن متفیقلری، آمریکا طرفین‌دن دستک‌لنیر. سون راپورلار، سوریه‌ده فعالیت گؤستره‌ن بؤلوجو ترور هؤرگوتو یپگ‌نین، آمریکالیلارین اؤده‌دگی وئرگیلرله ساتین آلینان سلاح و یاردیملاری آلدیغینی، اسد ایله اتفاقینی گلیشدیردیگینی و ژوئیه آیین‌دا (اسد و یپگ/پ‌کاکا آراسیندا) ائدیله‌ن آنلاشما‌نین بیر پارچاسی اولاراق اسدین ادلبی مخالیفلردن گئری آلماسینا یاردیم ائتمک اوچون دستک گؤندردیگینی گؤستریر".
"یپگ، تورکیه‌ده ۳۰ ایلده‌ن اوزون مدت‌دیر کی، شدتلی بیر ترور کامپانیاسی آپاران پ‌کاکانین سوریه قولودور" وورغوسوی ائدن چاووش‌اوغلو، تورکیه، آمریکا و آوروپا بیرلیگینین، پ‌کاکانی ترور هؤرگوتو اعلان ائتدیگینی خاطیرلاتدی.
خاریجی ایشلر باخانی مؤولود چاووش‌اوغلو مکتوبونا،
"تورکیه سرحدینین بیر نئچه کیلومتر اؤته‌ده یپگ گوج‌لرینین سوریه‌ده فعالیت گؤسترمه‌سینین ساوونولاجاق هئچ بیر یانی یوخدور. واشنگتون اوچون بؤلگه‌ده گرچک متفیقینین کیم اولدوغونا قرار وئرمه زامانی" ایفاده‌لری ایله سون وئردی.
ایلگیلی‌لی خبرلر
اردوغاندان ۱۹۱۵ حادثه‌لرینه باغلی مئساژ
جمهورباشقانی اردوغان، ۱۹۱۵ حادثه‌لرینه باغلی تورکیه ارمنیلری پاتریکی ساهاک ماشالیانا مئساژ گؤندردی
