میت، تروریستی یاخالاییب تورکیهیه گتیردی
تروریست: تورکیه دؤولتی چوخ بؤیوکدور، بونون حسابینی البته سیزدن سوروشاجاق
۲۰۱۳ده حاتای ویلایتینین ریحانلی ائلچهسیندهکی ترور سالدیریسینین پلانلاییجیسی تروریست یوسف نازیک، میلی استخبارات تشکیلاتی (میت) طرفیندن سوریهده یاخالاناراق تورکیهیه گتیریلدی.
تروریست ایلک ایفادهسینده، ریحانلیدا ۵۳ وطنداشین حیاتینی ایتیردیگی خاین سالدیرینی سوریه استخبارات بیریملریندن آلدیغی تاپشیریقلا گرچکلشدیردیگینی اعتراف ائدرک،
"سوریه دؤولتینه ده سسلهنیرم، تورکیه دؤولتی چوخ بؤیوکدور، بونون حسابینی البته سیزدن سوروشاجاق" دئدی.
ریحانلیداکی بومبالی سالدیریدا فاعللری یؤنلندیرهن و سوریه استخباراتییلا ارتباط ساغلایان یوسف نازیکین یئرلشدیگی لازقیه شهرینده، میت طرفیندن نقطه عملیاتی حیاتا گئچیریلدی.
آختاریلان تروریستلر لیستهسینده "گؤی" کاتگوریده یئر آلان نازیک، میت منسوبلارینین عملیاتی ایله اله گئچیریلمهسینین آردیندان تهلوکهسیز یوللار اوزریندن تورکیهیه گتیریلهرک سوروشدورمایا آلیندی.
تروریست نازیک، اؤن سورغوسوندا، سوریه استخبارات بیریملریندن آلدیغی تاپشیریقلا، تورکیهده ائیلم آختاریشینا گیرهرک آلتئرناتیو ائیلم یئرلرینه قارشی کشفیات ایشی آپاردیغینی، پاتلاییجیلارین سوریهدن تورکیهیه انتقالینی و تامین ائتدیگی ایکی ترانزیت تیپی آراجا یئرلشدیریلمهسینی ساغلادیغینی اعتیراف ائتدی.
تروریست آیریجا، ریحانلی پرتلامالاریندا رول آلدیغی معلوم اولان مقاومه سوریه سؤزده لیدئری میهراچ اورال حاقیندا دا اطرافلی معلوماتلار وئردی.
ائیلمه قاتیلان دیگر قاچاق سانیقلاری دا تسلیم اولماغا چاغیران تروریست، سورغوسوندا، آنتاکیا دوغوملو اولدوغونو بیلدیرهرک عائلهسی حاقیندا معلومات وئردیکدن سونرا، ریحانلیداکی سالدیرینی یولداشلاری ایله ائتدیکلرینی اعتراف ائتدی.
سالدیری امرینی، سوریه کشفیاتیندان آلدیغینی قید ائدن تروریست،
"تورکیه دؤولتیندن قاچاممادیم، پشمانام. منی سوریهدن توتوب گتیردیلر. سوریهدهکی یولداشلاریما سسلنیرم؛ یول یاخین ایکن قاییدین، تورک دؤولتی بیزه صاحب چیخار، اؤز دؤولتیمیز بیزه صاحب چیخار. سوریه دؤولتینه ده سسلمیرم، تورکیه دؤولتی چوخ بؤیوکدور، بونون حسابینی البته سیزدن سوروشاجاق" ایفادهلرینی ایشلتدی.
تروریستین یاخالانماسی اوچون حیاتا گئچیریلهن و خارجی هر هانسی بیر دؤولتدن ایستخباری، یا دا لجستیک دستگین آلینمادیغی عملیاتدا، تعیین، ایزلمه، یاخالاما و نقل آشامالاری تامامیله میت باشقانلیغی عنصورلاری طرفیندن حیاتا گئچیریلدی.