TRT World  فورومو ایستانبولدا کئچیریله‌جک

بیر چوخ اؤلکه‌دن 600دن چوخ یوکسک سویه‌لی سیاستچی، ایش آدامی، عالیم، آکتیویست، ژورنالیست، قناعت اؤندرلری، اینتللکتول و سیاست بیلیمچی‌نین قاتیلیمی ایله "پارچالانمیش بیر دونیادا باریش و امنیتی یئنی‌دن دوشونمک" گؤروشو کئچیریله‌جک فوروما قاتیلاجاق

TRT World  فورومو ایستانبولدا کئچیریله‌جک

 

TRT World  فوروم، "پارچالانمیش بیر دونیادا باریش و امنیتی یئنی‌دن دوشونمک" گؤروشو 3-4 اوکتوبردا ایستانبولدا کئچیریله‌جک.

تورکیه رادیو تلویزیون قورومو (ت.ر.ت)نین اینگیلیس کانا‌لی TRT World-دن وئریلن معلوماتا گؤره، ت.ر.ت-نین آکتوال، مدنی، سیاسی، ایقتیصادی و سوسیال دالان‌لارا قلوبال چؤزوم‌لر آختارماق مقصدیله کئچن ایل باشلاتدیغی فوروم عنعنه، بو ایل ده قلوبال پروبلم‌لره ایشیق توتماغا داوام ائدیر.

بیر چوخ اؤلکه‌دن 600دن چوخ یوکسک سویه‌لی سیاستچی، ایش آدامی، عالیم، آکتیویست، ژورنالیست، قناعت اؤندرلری، اینتللکتول و سیاست بیلیمچی‌نین قاتیلیمی ایله "پارچالانمیش بیر دونیادا باریش و امنیتی یئنی‌دن دوشونمک" گؤروشو کئچیریله‌جک فورومدا، ایکی گون عرضینده دونیا مسئله‌لری موذاکیره ائدیله‌جک.

باریش و امنیت موذاکیره ائتمه‌لرینه قاتقی وئرمگی هدفله‌ین فورومدا، افغانیستانین کئچمیش پرزیدنتی حامد کرزی، اینگیلتره‌نین کئچمیش خاریجی ایشلر ناظیری جک استراو، دونیا ایقتیصادی فورومو دیرکتورو بورگ برند، کرواسی نین کئچمیش پرزیدنتی ایوو جوسیپوویچ، بیرلشمیش میللت‌لر تشکیلاتی سوریه اؤزل نماینده‌سی استفان ده میستورا، مشهور ژورنالیست راگه عمر، تامسون روئترز فوندو اوست سویه ایدارچی‌سی، مونیقو ویلا و پاکیستان خاریجی ایشلر ناظیری هینا ربّانی دانیشماچیلار آراسیندا یئر آلا‌جاق.

TRT World  فورومدا گیرده ماسا توپلانتی‌لاری، پانل‌لر و خصوصی اوتوروملار ایله قلوبال نیزام‌داکی موجود معمارلیغی‌نین نقصان‌لاری و داغیدیجی میل‌لرین باریش و تأثیرلی بیر شکیلده اله آلینماسی‌نین یول‌لاری اوزرینده دورولا‌جاق.

آچیقلامادا فیکیرلرینه یئر وئریلن ت.ر.ت عمومی مودیری ایبراهیم ارن، TRT World فورومونون بو ایلکی موضوعسونون قلوبال امنیت اوچون اوفوق دا یئر آلان ایقتیصادی و ژئوستراتژی قونوملاردا دییشیک‌لیک‌لر اوچون کریتیک بیر اوفوق یاراتدیغینی بیلدیریب.

کئچن ایل ایلکی کئچیریلن فورومون اوغورلو لانسماندان سونرا بوتون بؤلگه نین نفوذلو و یوکسک پروفیل‌لی ایجلاسلاریندان‌ بیری کیمی قبول ائدیلمه‌یه باشلاندیغینی وورغولایان ارن،

هر ایل دوزنلی اولا‌راق حیاتا کئچیرمگی پلانلاشدیردیغیمیز TRT World  فورومدا خبرلره موضوع اولان اینسانی بحران‌لاری بوتون آیرنتی‌لاری ایله طرف‌سیز بیر شکیلده تعقیب ائتمه مسئولیتینی اوزرینه گؤتوره‌رک، دونیانین گوندمینده یئر توتان پروبلم‌لره یؤنه‌لیک فرقینده لیک یاراتماغی هدف سئچیریک. دونیانین دؤرد بیر یانین‌دان ساحه‌سینده متخصص فیکیر لیدرلرینی بیر آرایا گتیره‌رک قلوبال گونده‌لیگه یؤنلیک حلّ ائتمه و حرکت آلماغا رهبرلیک ائده‌جک بیر پلاتفورما یاراتدیق. قلوبال مسئله‌لرین درین‌دن تحلیل ائدیله جگی TRT World  فوروم، پروفسیونل دانیشماچیلاری اورتاق عقل و ایستراتژی گلیشدیرمه یه دعوت ائدیر" ایفاده‌لرینی ایستیفاده ائتدی.



ایلگیلی‌لی خبرلر