تورکیه قینادی
"اولوسلارآراسی توپلومو بو یوکوملولوگون گرهگینی یئرینه یئتیرمهیه چاغیریریق"
تورکیه، ایسراییلین، یاسادیشی یئرلشیملرینده علاوه یئنی یاشاییش یئرلری اینشا ائدیلمهسینه قارشی قرارینی قینادی.
خاریجی ایشلر باخانلیغیندان وئریلهن یازیلی آچیقلامادا،
"ایسراییلین، ایشغال آلتیندا ساخلادیغی اردن چایینین باتی ساحلینده ۲ میندن چوخ یئنی ائو تیکیلمهسینه راضیلیق وئرمهسینی شدتله قیناییریق" ایفادهلرینه یئر وئریلدی.
اولوسلارآراسی حقوق و ایلگیلی بیرلشمیش میلتلر قطعنامهلرینین قولاق آردی ائدیلهرک آتیلان بو آددیملارین، باریش پروسهسینه اوناریمی امکانسیز شکیلده ضرر وئردیگی قید ائدیلن آچیقلامادا، بونلار قید ائدیلدی:
"فیلیسطین خالقینین وازگئچیلمز حاقلارینی پوزان بواویقولامالارا قارشی چیخیلماسی حقوقی و ویجدانی بیر یوکوملولوکدور. اولوسلارآراسی توپلومو بو یوکوملولوگون گرهگینی یئرینه یئتیرمهیه چاغیریریق".
ایسراییلین ۱۹۶۷دن بو یانا ایشغال آلتیندا ساخلادیغی اردن چایینین باتی ساحلینده ۱۳۱، دوغو قدسدا ۱۰، اردن چایینین باتی ساحلی تپهلریندهکی بؤلگهلرده ایسه ۱۱۶ یاشاییش منطقهسی قوردوغو ایفاده ائدیلیر.