تورکیه، آمریکا‌نین وئرگی‌لری اوچون محکمه پروسه سی باشلادی

آچیقلامادا، 10 آوقوستدا آمریکا مقاملاریندان‌ ائدیلن آچیقلاما ایله تورکیه‌دن ایدخال ائدیله‌جک پولاد و آلومینیوم اولونان علاوه وئرگی‌لرین یوزده 100 آرتیریلا‌راق دمیر- چوداندا یوزده 50یه، آلومینیوم دا ایسه 20یه چیخاریلدیغی بیلدیریلیب

1035715
تورکیه، آمریکا‌نین وئرگی‌لری اوچون محکمه پروسه سی باشلادی

آمریکا، آمریکا‌نین وئرگی‌لری اوچون محکمه پروسه سی باشلادی.

تیجارت ناظیرلیگین‌دن ائدیلن یازی‌لی آچیقلامادا، 10 آوقوستدا آمریکا مقاملاریندان‌ ائدیلن آچیقلاما ایله تورکیه‌دن ایدخال ائدیله‌جک پولاد و آلومینیوم اولونان علاوه وئرگی‌لرین یوزده 100 آرتیریلا‌راق دمیر- چوداندا یوزده 50یه، آلومینیوم دا ایسه 20یه چیخاریلدیغی بیلدیریلیب.

آمریکانین آلمیش اولدوغو، دونیا تیجارت تشکیلاتی قایدا‌لارینا تامامیله ضد قرار سببیله 15 آوقوستدا، تورکیه نین داها اوّل بو اؤلکه‌یه قارشی تطبیق ائتمه‌یه باشلادیغی آمریکا قئیدیات‌لی 22 محصول‌داکی علاوه وئرگی تدبیری‌نین، قارشیلیقلیلیق چرچیوه‌سینده، یوزده 100 آرتیریلا‌راق ایکی دفعه چیخاریلدیغی قئید ائدیلن آچیقلامادا، بئله‌لیکله، سؤز قونوسو 22 محصولدا آمریکایا تطبیق ائدیلن علاوه وئرگی مبلغی‌نین جمعی 533-جی میلیون دو‌لار اولدوغو ایفاده ائدیلیب.

آچیقلامادا، دونیا تیجارت تشکیلاتی پلاتفورموندا دا تورک ایخراجاتچی‌لارین حقوق‌لاری‌نین قورونماسی اوچون لازیمی بوتون آددیم‌لارین آتیلدیغی قئید ائدیله‌رک، "سؤزقونوسو علاوه وئرگی‌لرله باغلی اولا‌راق اؤلکه‌میز، آمریکانی دونیا تیجارت تشکیلاتیندا مصلحتلشمه‌لره دعوت ائتمیش‌دیر. بئله‌لیکله، آمریکانین پولاد و آلومینیوم تطبیق ائتدیگی علاوه گؤمروک روسوم‌لاری اوچون محکمه پروسه سی باشلانیلمیش‌دیر. اؤلکه‌میزله بیرلیکده دونیا تیجارت تشکیلاتینده آمریکایا قارشی محکمه پروسه سی باشلایان اؤلکه‌لر هیندیستان، چین خالق جمهورتی، سوئیس، نوروئژ، کانادا، روسیا، مکزیک و آوروپا بیرلیگی‌دیر. قارشی‌داکی دؤورده بو اؤلکه‌لرله ده امکداش‌لیق ائدیله‌رک اؤلکه‌میز ایخراجاتچی‌لاری‌نین حقوق‌لاری‌نین قورونماسینا یؤنه‌لیک ایش داوام ائتدیریله‌جک‌دیر" ایفاده‌لرینه یئر وئریلیب.



ایلگیلی‌لی خبرلر