ابراهیم کالین امریکا محصول‌لارینی بویکوت ائتمه قرارینی دیرلندیریب

جمهور باشقانلیغی سؤزچوسو ابراهیم کالین امریکا محصول‌لارینی بویکوت ائتمه قرارینی دیرلندیریب.

1032985
ابراهیم کالین امریکا محصول‌لارینی بویکوت ائتمه قرارینی دیرلندیریب

جمهور باشقانلیغی سؤزچوسو ابراهیم کالین امریکا محصول‌لارینی بویکوت ائتمه قرارینی دیرلندیریب.

ابراهیم کالین تشکیل ائتدیگی مطبوعات کنفرانسیندا دئییب کی، تورکیه ایقتیصادیاتی‌نین تملی ساغلام‌دیر، ممنونیتله گؤروروک کی، مثبت یولا اوز توتموشوق. تورکیه بیر ایقتیصادیات محاربه‌سیندن طرف دئییل‌دیر، لاکین بیر هوجوم اولدوغو زامان رئاکسیا ورمه‌مه‌سی دوشونوله بیلمز. علاقه‌دار بوتون قوروم‌لارین بون‌دان سونرا دا گؤرجگی تدبیرلرله تورکیه ایقتیصادیاتینداکی بو نورماللاشما پروسه‌سی داها دا گوج‌له‌نه‌جکدیر.

پروبلئملرین ان یاخین زاماندا حلینی گؤزلییریک. بونون اوچون امریکا رهبرلیگی‌نین تورکیه‌دکی محکمه پروسئس‌لرینه حؤرمتله یاناشماسی لازیم‌دیر.

"اونلار بیر راهیب اوچون بو علاقه‌لری عینیله داغیلما، تورکیه کیمی بیر اؤلکه‌نی ایتیرمه نقطه‌سینه گتیردی‌لر. تورکیه‌نین قانونی و عاجیل ایکی اساس میللی تهلوکه‌سیزلیک مسئله‌سینده (پ.کا.کا و فتو) امریکا رهبرلیک‌لری، نه اوباما نه ترامپ حکومتی‌نین ایندیدک کونکرت آددیم آتدیغینی گؤرمه‌دیک"-دئیه ابراهیم کالین وورغولاییب.

دیگر طرف‌دن ابراهیم کالین پرزیدنت رجب طیب اردوغانین بوگون آلمانیا باش ناظیری آنگلا مرکل، صاباح دا فرانسا پرزیدنتی ماکرون ایله تلفونلا گؤروشه جگینی سؤیله‌ییب.

آستانا دانیشیق‌لارینا دا توخونان کالین "اوچونجو ییغینجاغین سپتامبرین ایلک هفته‌سینده تهران-دا کئچیریلمه‌سی پلانلاشدیریلیر" دئییب.

کالین مطبوعات کنفرانسیندا منبیچ و اطرافیندان ترور تشکیلاتی پ.ی.د/ی.پ.گ عنصورلریننی چیخماغا باشلادیغینی دا قئید ائده‌رک بیلدیریب کی، پ.ی.د/ی.پ.گ عنصورلرینین تامامیله فراتین شرقینه چکیلمه‌سی گؤزلنیلیر. بو آرادا ترور تشکیلاتلاتینا ایشتیراکین 2018-جی ایلده 61 نفرله محدود اولدوغونو دئین کالین بونون 30 ایلین ان آشاغی رقمی اولدوغونو بیلدیردی.

 



ایلگیلی‌لی خبرلر