تیکانین سنگال فعالیتلری
(تیکا) کوردیناتورلوغوندا کئچیریلن "2018 تجروبه موبادیله پروقرامی" چرچیوهسینده سنگالا گلن کؤنوللو گنجلر زیگوینچور شهرینه باغلی کندلرده موختلیف فعالیت گؤستردی
تورک امکداشلیق و کوردیناسیون آژآنسی (تیکا) کوردیناتورلوغوندا کئچیریلن "2018 تجروبه موبادیله پروقرامی" چرچیوهسینده سنگالا گلن کؤنوللو گنجلر زیگوینچور شهرینه باغلی کندلرده موختلیف فعالیت گؤستردی.
تیکا کؤنوللولری سنگال اکیپ باشقانی اورخان آیدین، ائتدیگی آچیقلامادا 15 نفرلیک قروپلا 500 سایلی و سویا گیریش اولمایان دژیبلور کندینه گئتدیکلرینی، بورادا تیکا طرفیندن قورولان گونش انرژیلی سو پمپی سیستمینی آچیلیش مراسیمینده قاتیلدیقلترینی، کندلیلرین سو قویوسو گؤره تورک خالقینا میننتدارلیقلارینی سؤیله دیقلرینی ایفاده ائتدی.
آیدین، همچینین کنده عایید میوه باغچالارینی قوروماق مقصدیله تیکا طرفیندن حیاتا کئچیریلن تل هؤرگو ایله چئوره لمه ایشینه قاتیلدیقلارینا، کندده یاشایان اؤیرنجیلره قارشی الکترونیک دئوره قورلومو و ال چراغی اوره تیمی ایله گونش انرژی سیستملری باره سیندن تطبیقی تحصیل پروقرامی حاضیرلادیقلارینی بیلدیردی.
گنج کؤنوللولردن اولوداغ اونیورسیته سی ایشلتمه فاکولتهسینین اؤیرنجی باهری اؤزدمیر ده دژیبلور کندیندن سونرا گئتدیکلری تالووم کندینده رقصلرله و موسیقیلرله قارشیلاندیقلارینی دئدی.
کندده بیر مکتبین دیواری اوچون بونؤوره قازیلیب کرپیج ائمال ائتدیکلرینی، قویودان سو داشییان قادینلارا یاردیم ائتدیکلری قید ائدن اؤزدمیر، "یئرلی رقصلره همراه لیق ائدیب اوشاقلارلا اویونلار اوینادیق. سنگالا گلدیگیمیز اوچون خوشبختیک. بیزی بورالارا گتیرن، بورادا و دونیانین بیر چوخ یئرینده یاردیم فعالیتلرینده اولان، مظلومون یانیندا اولان تیکای-آ چوخ تشککور ائدیریک." دئیه دانیشدی.
کؤنوللولردن ایستانبول اونیورسیته سی حقوق فاکولتهسی طلبهسی احمد عبدالحمید آکباییر دا، اینسانلارین دری رنگی و دیللری فرقلی اولسا دا، سنگالدا اؤزونو هئچ خاریجی حیس ائتمدیگینی دئییب.
آکباییر، "گولومسمیین رنگی هر یئرده عینی و ایستی. بو تورپاقلار سانکی داها اوّل هئچ گلمدیگیم بیر ائویم، سانکی ایللردیر گؤرمدیگیم قارداشلاریم وار." ایفادهلرینی ایستیفاده ائتدی.