تورکیه، تورک باخانلارا تحریمه تپکی وئردی
"هئچ بیر مقصده خیدمت ائتمه‌یه‌جک سؤزوگئدن سالدیرقان توتومون قارشی‌لیغی گئجیکمه‌دن عینیله وئریله‌جک"
تورکیه، آمریکانین ایکی تورک باخانا تحریم اؤن گؤرن قرارا اعتراض ائتدی.
تورک ایچ ایشلری و عدالت باخانلارینا تحریم قراری آلدیغینی آچیقلایان آمریکایا جاواب، ایلک اولاراق خاریجی ایشلر باخانلیغی طرفیندن وئریلدی.
باخانلیغین، آمریکا رهبرلیینی قالماقاللی قرارین‌دان دؤنمه‌یه چاغیران یازی‌لی آچیقلاماسین‌دا،
"هئچ بیر مقصده خیدمت ائتمه‌یه‌جک سؤزوگئدن سالدیرقان توتومون قارشی‌لیغی گئجیکمه‌دن عینیله وئریله‌جک" دئییلدی.
آچیقلامادا، قرارین دؤولت جدی‌لیگی ایله باغداشمادیغی کیمی، عدالت آنلاییشی دا ایضاح ائدیله بیلمه‌یه‌جگی وورغولاندی.
دیش ایشلری باخانی مؤولود چاووش‌اوغلو دا،
"آمریکانین تحریم قراری قارشی‌لیق‌سیز قالمایاجاق" دئدی.
گونئی دوغو آسیا میللتلر بیرلیگی آسئان توپلانتیسی اوچون سنگاپوردا اولان چاووش‌اوغلو، سوسیال پایلاشیم سایتی تویتر اوزرین‌دن وئردیگی آچیقلامادا،
"آمریکا رهبرلیگی حقوق قئیدیشی طلبلرینی بو یوللا الده ائده بیلمه‌یه‌جگینی قبول ائتمدیگی مدتجه مسئله‌لریمیزی حل ائده بیلمریک" دئدی.
آغ ائو سؤزچوسو سارا سندرز، تورکیه‌ده توتوقلو آمریکالی کشیش اندریو برونسونا ائو حبسی وئریلمه‌سی سببیله، تورک ایچ ایشلر و عدالت باخانلارینا تحریم تطبیق ائد‌جکلرینی آچیقلامیشدی.
سندرز، برونسونون ۲۰۱۶دا توتوقلاناراق اؤتن آی دا ائو حبسینه آلینماسینین، "قبول ائدیلمز" اولدوغونو ایر‌لی سورموشدو.
ترور هؤرگوتلری فئتؤ و پ‌کاکا آدینا سوچ ایشله‌دیگی، جاسوسلوق ائتدیگی ادعاسییلا حاقین‌دا ۳۵ ایل حبس جزاسی ایستنیلن برونسون، حبسینین ساغلیق پروبلئملری نظره آلیناراق ائو حبسینه چئوریلمه‌سینین آردین‌دان الکترونیک کلپچه ایله ائوین‌ده نظارت آلتین‌دا ساخلانیلیر.
