ایکی اف-۳۵ تورکیه‌یه تحویل وئریله‌جک
"تورکیه، ناتونون ان اؤنملی متفیقلرین‌دن و ۲۰۰۲دن بو یانا اف-۳۵ پروگرامینین اولوسلارآراسی قاتیلیم‌چیلارین‌دان بیری‌دیر"
آمریکا ساوونما باخانلیغی (پنتاگون)، آمریکا سناسینین، تورکیه‌یه اف-۳۵ ساواش اوچاغی ساتیشینی بلوک ائد‌ن قرار لایحه‌سینی قبول ائتمه‌سینه قارشی، ایکی اوچاغین جمعه گونو تگزاس ایالتینه باغلی فرت ورت شهرین‌ده دوزنله‌نه‌جک بیر مراسیمله تورکیه‌یه تسلیم ائدیله‌جگینی بیلدیردی.
پنتاگون سؤزچوسو مایک اندروز، ۲۱ ژوئن جومعه گونو فرت ورت‌دا تورکیه اوچون بیر آچیلیش مراسیمی دوزنله‌نه‌جگینی و اوچاق‌لارین ایلک آشامادا آریزوناداکی لوک حربی هاوا گوج‌لری مرکزینه گئچه‌جگینی. تورک اف-۳۵ پیلوتلاری و باخیم گؤره‌ولی‌‌لرینین یاخین اوچوش تعلیملرینه باشلایاجاقلارینی بیلدیردی.
پنتاگونون، سنانین قبول ائتدیگی قرار حاقین‌دا دانیشمایاجاغینی دا بیلدیرن اندروز،
"تورکیه، ناتونون ان اؤنملی متفیقلرین‌دن و ۲۰۰۲دن بو یانا اف-۳۵ پروگرامینین اولوسلارآراسی قاتیلیم‌چیلارین‌دان بیری‌دیر" دئیه دانیشدی.
آمریکا سناسینین قبول ائتدیگی قرارین قوه‌یه مینمه‌سی اوچون نماینده‌لر مجلیسینین قراری ایله اوست اوسته دوشمه‌سین‌دن سونرا دونالد ترامپ طرفین‌دن اونایلانماسی لازیم‌دیر.
ایلگیلی‌لی خبرلر
"ت‌رت ایسپانیولجا" یایین حیاتینا باشلاییر
ت‌رت، اولوسلارآراسی دیجیتال خبر پلتفورملارینا بیر یئنیسینی داها علاوه ائدیر
