جانیکلی:"سوریه-نین منبیچ بؤلگهسینده یئرلی ایداره ائتمه قورولاجاق"
میللی مودافعه ناظیری نورالدین جانیکلی سوریه-نین منبیچ بؤلگهسینده یئرلی ایداره ائتمه قورولاجاغینی سؤیلهییب.
میللی مودافعه ناظیری نورالدین جانیکلی سوریه-نین منبیچ بؤلگهسینده یئرلی ایداره ائتمه قورولاجاغینی سؤیلهییب.
جانیکلی "آنادولو" خبر آژانسیندا تورکیه ایله امریکا آراسینداکی منبیچله علاقهلی گؤروشلری قیمتلندیریب.
ترور تشکیلاتی پ.کا.کا-نین سوریه-ده کی قولو اولان پ.ی.د-ی.پ.گ-نین ایشغال ائتدیگی منبیچ-دن چیخاریلاجاغینی وورغولایان جانیکلی بو پروسئسین حربی نظارتینین، حیاتا کئچیریلمهسینین تورکیه و امریکا عسگرلری طرفیندن بیرگه رئاللاشدیریلاجاغینی ایفاده ائدیب.
"امریکا ایله هر شئی بیرلیکده حیاتا کئچیریلهجک. بیزیم جهتدن نظر سالدیقدا بو راضیلاشمانین مقصدی منبیچ-ین ی.پ.گ/پ.ی.د عنصورلاریندان تمیزلنمهسیدیر" دئیه جانیکلی وورغولاییب.
ی.پ.گ/پ.ی.د-نین پ.کا.کا-نین بیر حیسهسی اولدوغو، اونلار طرفیندن ایستیقامتلندیریلدیگی، عینی ترور حووضووندان ایستیفاده ائتدیکلری بارهده امریکانین قانع ائدیلمیش اولدوغونو بیلدیرن جانیکلی دئییب: " قانع اولماسایدیلار بو راضیلیغی الده ائده بیلمزدیک. بیزیم باشدان بریدیر دوشونجهمیز بودور، سوریه ایچ ساواش باشلامازدان اوولکی دموقرافیک قورغویا اویغون و اونو عکس ائتدیرهجک شکیلده یئرلی ایداره ائتمه یارادیلاجاق. یئرلی ایداره ائتمهده یئر آلاجاق اولانلار ایسه یئنه تورکیه و امریکا طرفیندن بیرگه معینلشدیریلهجک."