23 آوریل میللی اگمنلیک و اوشاق بایرامی موناسیبتیله سیاسی‌لر تبریک مکتوب‌لاری یایینلادی

تورکیه دولت باشقانی رجب طیب اردوغان، یاییملادیغی مساژیندا، 23 آوریلین عزیز تورک میللتی‌نین یئنی‌دن دیرچلیشی‌نین و شاهلانیشی‌نین تیمثا‌لی اولدوغونو بیلدیریب

956969
23 آوریل میللی اگمنلیک و اوشاق بایرامی موناسیبتیله سیاسی‌لر تبریک مکتوب‌لاری یایینلادی

23 آوریل میللی اگمنلیک و اوشاق بایرامی و تورکیه بؤیوک میللت مجلیسی‌نین  آچیلیشی‌نین 98-جی ایلدؤنومو موناسیبتیله سیاسی‌لر تبریک مکتوب‌لاری یایینلادی.

تورکیه دولت باشقانی رجب طیب اردوغان، یاییملادیغی مساژیندا، 23 آوریلین عزیز تورک میللتی‌نین یئنی‌دن دیرچلیشی‌نین و شاهلانیشی‌نین تیمثا‌لی اولدوغونو بیلدیریب.

اردوغان، 98 ایللیک بؤیوک میللت مجلیسی‌نین فعالیتینی ایلک گونکو هیجانلا داوام ائتدیردیگینی بیلدیریب.

24  ژوئن سئچیم‌لرینه ده توخونان اردوغان؛ "اؤلکه‌میزدکی ثابت‌لیک و اعتیماد اورتامینی گوجلن‌دیره‌جک یئنی بیر دؤوره گیریریک" دئدی.

مجلیس صدری ایسماعیل قهرمان مساژیندا، "بؤیوک میللت مجلیسی، تام موستقیل‌لیک‌دن باشقا هئچ بیر تکلیفین قبول ائدیلمه‌یه‌جگینی اعلان ائده‌رک ایستیقلال موباریزه‌سینی باشلامیش و پارلامنتیمیزین ایلک پرزیدنتی مصطفی کمالین رهبرلیک ائتدیگی میللی موباریزه، ظفرله تاچلانمیش‌دیر" دئدی.

تورکیه بؤیوک میللت مجلیسی صدری قهرمان، اوشاق‌لارین بایرامینی دا تبریک ائدیب، "اونلارا بیر بایرام بخش ائدیلن سئوگی‌لی اوشاق‌لاریمیزی محبتله اؤپور، عزیز میللتیمیزین بایرامینی تبریک ائدیرم." دئدی.

باش ناظیر بینا‌لی ییل‌دیریم ایسه مساژیندا، "حاکمیت قید-شرط‌سیز مللتین‌دیر" اساسی اوزرینده قورولان بؤیوک میللت مجلیسی‌نین آچیلماسی تورک تاریخینده یئنی بیر دؤورون باشلادیغینی بیلدیریب.

باش ناظیر بینا‌لی ییل‌دیریم، "اوشاق‌لاریمیزین باریش، امین-آمان‌لیق و قارداش‌لیق دولو بیر دونیا خیال‌لارینی رئال‌لاش‌دیرماق ان بؤیوک مقصدیمیزدیر." ایفاده‌لرینی ایستیفاده ائتدی.

جمهوریت خالق پارتیسی‌نین صدری (ج.ح.پ) کمال کیلیچدار اوغلو دا بیر مساژیندا، "23 آوریل میللی اگمنلیک و اوشاق بایرامی، دموکراسینین گلیشمه‌سی، عدالتین برقرار اولماسی، حقوق دولتی‌نین گوجلنمه‌سی، اؤلکه‌میزده باریشین و قالخینمانین تأمیناتی‌دیر." دئدی، و اوشاقلارین بایرامینی تبریک ائدیب.



ایلگیلی‌لی خبرلر