"عفرینه گیرمه‌سی فاجعه‌یه یول آچار"

حکومت سؤزچوسو: تورکیه قرارلی‌دیر، گئری دؤنوش یوخ‌دور، اولمایاجاق دا

913940
"عفرینه گیرمه‌سی فاجعه‌یه یول آچار"

باشباخان یاردیمچیسی و حکومت سؤزچوسو بکیر بوزداغ، سوریه‌ده رژیم گوجلرینین بؤلوجو ترور هؤرگوتو پ‌کاکانین بوراداکی قولو ی.پ.گ‌نی قوروماق اوچون عفرینه گیرمه‌سینین فاجعه‌یه یول آچاجاغینی سؤیله‌دی.

باخانلار قورولو توپلانتی‌سی سونراسین‌دا دانیشان بوزداغ، تورک سلاح‌لی گوج‌لرینین سوریه‌نین عفرین بؤلگه‌سین‌ده یئریتدیگی زیتون بوداغی عملیاتینین پلانلاشدیردیغی شکیل‌ده داوام ائتدیگینی بیلدیردی.

"تورکیه قرارلی‌دیر، گئری دؤنوش یوخ‌دور، اولمایاجاق دا" دئیه‌ن بوزداغ، رژیم گوجلرینین عفرینه گیره‌جگی خبرینین یالان اولدوغونو بیلدیردی.

بوزداغ،

"گوونلیک قایناق‌لاریمیزین وئردیگی معلوماتا گؤره ده سوریه مقاملارینین گوونلیک گوجو گؤندرمه‌سی سؤز قونوسو دئییل. رژیمین ی.پ.گ‌نی قوروماق اوچون عفرینه گیرمه‌سی فاجعه‌یه یول آچار" دئدی.

زیتون بوداغی عملیاتین‌دا ائتکیسیزلشدیریلن تروریست ساییسینین مین ۶۵۱ اولدوغونو بیلدیر‌ن بوزداغ، بؤلگه‌ده‌کی سون تروریست ائتکیسیز حالا گتیریله‌نه قدر بو مباریزه‌نین قرارلی شکیل‌ده داوام ائدجیینی وورغولادی.

بکیر بوزداغ، آمریکا ایله منبیج قونوسون‌داکی گؤروشمه‌لره دایر اولاراق دا، آمریکا ایله اولوشدورولان مکانیزم‌ده سورون‌لارین موذاکیره اولوناجاغینی بیلدیردی،

"تورکیه اورادان (منبیج) تروریستلرین تمیزلنمه‌سین‌ده قرارلی. آمریکا، اورادان ی.پ.گ‌نی چکمه‌سه سون سؤزو بیز سؤیلریک. اومود ائدیریک کی، عملیاتا احتیاج قالمادان دیالوگ یولو ایله حل ائدیلیر" دئیه دانیشدی.


اتیکتلر: #سوریه , #رژیم , #عفرین

ایلگیلی‌لی خبرلر