بینالی ییلدیریم:"سلیمان شاه پولیس بؤلمه‌سی فعالیتینی ایجرا ائده‌جک"
باش ناظیر بینالی ییلدیریم سوریه اراضی‌لرینده اولان و 2015-جی ایلده کؤچورولن سلیمان شاه سایغی پولیس بؤلمه‌سی‌نین کئچمیش‌دکی یئرینده فعالیتینی ایجرا ائدجگینی سؤیله‌دی.
باش ناظیر بینالی ییلدیریم سوریه اراضی‌لرینده اولان و 2015-جی ایلده کؤچورولن سلیمان شاه سایغی پولیس بؤلمه‌سی‌نین کئچمیش‌دکی یئرینده فعالیتینی ایجرا ائدجگینی سؤیله‌دی.
باش ناظیر تورکیه بؤیوک میللت مجلیسی‌نین ایجلاسیندا ائتدیگی چیخیشدا دئدی کی، بونو آچیق-آشکار قئید ائدک کی، تاریخی حاق‌لاریمیز باره‌ده چوخ حساسیق. سلیمان شاه سایغی پولیس بؤلمه‌سی تورکیه‌نین ملکی دیر، اورادا تورکیه‌نین بایراغی دالغا‌لانا‌جاق‌دیر. یاخین زاماندا تهلوکه‌سیزلیک سببیندن پولیس مرکزی بوشالدیلمیشدی. سوریه-ده کی ایشلر اؤز آخارینا دوشن‌دن سونرا سلیمان شاه سایغی پولیس بؤلمه‌سی یئنی‌دن اؤز فعالیتینه باشلایا‌جاق.
قئید ائدک کی، سوریه-نین منبیچ بؤلگه‌سینه باغلی قاراکوزاک کندینده یئرلشن سلیمان شاه سایغی پولیس بؤلمه‌سی 2015-جی ایلده، بؤلگه‌ده آرتان توققوشما‌لار سببیندن، موقتی اولا‌راق ائشمه کندینه کؤچورولموشدو.
باش ناظیر ییلدیریم سوریه-ده کی سون وضعیته ده توخونا‌راق دئدی کی، کئچن ایلین آخیریندا حلب-ده اعلان ائدیلمه‌سینه ایمکان یارادیلان آتشکه‌سین اؤلکه میقیاسینا یایماق اوچون آستانادا اوچ طرف‌لی (تورکیه-ایران-روسیا) امکداش‌لیق پروسئسینه ایستارت وئریلدی. آستانا قرارلاری‌نین تأثیریله ساحه‌ده شدت آزالدی و سیاسی حل پروسئسی ایشه داخیل اولدو.
"نهایی حل یولو تروردا الی اولمایان بوتون عنصورلرین داخیل اولاجاغی، اراضی بوتوولوگی و سیاسی بیرلیگی تامین اولونموش بیر سوریه دؤولتی‌نین برپاسی‌دیر"-دئیه باش ناظیر ییلدیریم وورغولادی.
عراق-ین دینج‌لیگی، ریفاه و ثابت‌لیگی‌نین ده تورکیه اوچون حیاتی اهمیتی اولدوغونو قئید ائدن باش ناظیر ییلدیریم عراق کورد بولگه سل رهبرلیگین عراق-ین سیاسی بیرلیگی و و بوتؤو‌لوگونه میدان اوخویان قانون‌سوز رفرندوم تشببوسو قارشی‌سیندا عراق حکومتی‌نین یانیندا اولدوق‌لارینی خاطیرلادا‌راق، بونو ائدرکن ده اصلا کوردلری هدف گؤتورمه‌دیک‌لرینی سؤیله‌دی.
