نومان کورتولموش، بوتون طبقهلر، آتاتورک مدنیت مرکزی ترکیبینده یئر آلاجاغینی سؤیلدی
کورتولموش،خلیچ کونگره مرکزینده تشکیل اولونان "یئنی آتاتورک مدنیت مرکزی پروژهسی" تقدیمات پروقرامیندا ائتدیگی چیخیشیندا، بو گون تکجه ایستانبولون دئییل، تورکیهنین تاریخی بیر گون یاشادیغینی ایفاده ائتدی
مدنیت و توریزم ناظیری همچینین کورتولموش، توپلومون بوتون طبقهلرینین، آتاتورک مدنیت مرکزینین ترکیبینده یئر آلاجاغینی سؤیلدی.
کورتولموش،خلیچ کونگره مرکزینده تشکیل اولونان "یئنی آتاتورک مدنیت مرکزی پروژهسی" تقدیمات پروقرامیندا ائتدیگی چیخیشیندا، بو گون تکجه ایستانبولون دئییل، تورکیهنین تاریخی بیر گون یاشادیغینی ایفاده ائتدی.
کورتولموش، آتاتورک مدنیت مرکزینین یئنیلندیگینی، مرکزین اؤز شرطلری، دؤورو عرضینده اهمیتلی بیر پروژه اولدوغونو بیلدیرهرک، ایستانبولون سون درجه اهمیتلی بیر بیناسی اولدوغونو بیلدیردی.
آنجاق بینالارین دا اینسانلار کیمی عؤمورلرینین اولدوغونو وورغولایان کورتولموش، بئله داوام ائتدی:
آتاتورک مدنیت مرکزی" یورولوب، قوجالیب آرتیق گونون طلبلرینی یئرینه گتیرهبیلمیردی. اونون اوچون یئنی بیر بینایا احتیاج وار. آتاتورک مدنیت مرکزینین یئنیلنمهسینه احتیاج وار. بونا گؤره ده اوزون بیر حاضیرلیق دؤوروندن بئله گؤزل بیر پروژه تورکیه توپلومونون قارشیسینا چیخیریق و آتاتورک مدنیت مرکزینی یئنیلییریک. اینشا الله 2019دا دا بیتیرهرک ایچیندکی ایلک مراسیمی، ایلک توپلانتی، کونسرت کئچیرجگیک. یئنی آتاتورک مدنیت مرکزینین معاصیر جیزگیلر داشیماسی، اؤزونه خاص بعضی جیزگیلر داشیماسی لابوددور. اونون اوچون آتاتورک مدنیت مرکزینین یئنی بیناسینین تورکیه اوچون بیر اؤیونمه پروژهسی اولاجاغینی بیلیریک. بیزیم بورادان توصیهمیز بودور کی، آتاتورک مدنیت مرکزی ایله باغلی کئچمیش دؤورده بعضی ایرادلار، بعضی ایسپکولاسیونلار کئچیریلیب. من هئچ کسین آتاتورک مدنیت مرکزی مسئلهسینه ایدئولوژیک، شرطلی و طرفلی یاناشماماسینی توصیه ائدیرم. بوتون تورکیهنین فخر دویاجاغی، هامیمیزین حقیقتن اؤنوندن ایفتیخارلا کئچهجگیمیز، ایچریسینده سون درجه گؤزل تدبیرلری تعقیب ائدجگیمیز تورکیهنین مدار ایفتیخاری بیر پروژهمیز اولاجاق. گونون شرطلرینه اویغون شکیلده آتاتورک مدنیت مرکزی مدنیت و اینجه صنعت مرکزی حالینا گلهجک".